സ്വാതന്ത്ര്യദിന പരേഡ്: കോഴിക്കോട് അഭിവാദ്യം സ്വീകരിക്കാൻ എ.കെ. ശശീന്ദ്രനെ മാറ്റി മുഹമ്മദ് റിയാസിനെ നിയോഗിച്ചു
തിരുവനന്തപുരം: 2025-ലെ സ്വാതന്ത്ര്യദിനാഘോഷങ്ങളുടെ ഭാഗമായി കോഴിക്കോട് ജില്ലയിൽ നടക്കുന്ന പരേഡിൽ അഭിവാദ്യം സ്വീകരിക്കുന്നതിനായി പൊതുമരാമത്ത്-വിനോദസഞ്ചാര വകുപ്പ് മന്ത്രി പി.എ. മുഹമ്മദ് റിയാസിനെ നിയോഗിച്ചു. നേരത്തെ ഈ ചുമതലയ്ക്കായി നിശ്ചയിച്ചിരുന്ന വനം-വന്യജീവി വകുപ്പ് മന്ത്രി ശ്രീ എ.കെ. ശശീന്ദ്രന് പകരമായാണ് ഈ മാറ്റം.
ഇതുസംബന്ധിച്ച ഭേദഗതി ഉത്തരവ് പൊതുഭരണ (പ്രോട്ടോക്കോൾ) വകുപ്പ് പുറത്തിറക്കി. ആഗസ്റ്റ് 7-ലെ മുൻ ഉത്തരവിൽ മാറ്റം വരുത്തിയാണ് പുതിയ ഉത്തരവ് പുറപ്പെടുവിച്ചിരിക്കുന്നത്. ഇതോടെ, കോഴിക്കോട്ടെ സ്വാതന്ത്ര്യദിന പരേഡിൽ മന്ത്രി മുഹമ്മദ് റിയാസ് മുഖ്യാതിഥിയായി പങ്കെടുത്ത് അഭിവാദ്യം സ്വീകരിക്കും
മറ്റ് 13 ജില്ലകളിലും അഭിവാദ്യം സ്വീകരിക്കുന്നതിനായി മന്ത്രിമാരെ ചുമതലപ്പെടുത്തി സർക്കാർ ഉത്തരവിറക്കി. കൊല്ലത്ത് മന്ത്രി വി. ശിവൻകുട്ടിയും, എറണാകുളത്ത് മന്ത്രി പി. രാജീവും, കോഴിക്കോട് മന്ത്രി എ.കെ. ശശീന്ദ്രനും പരേഡുകളിൽ അഭിവാദ്യം സ്വീകരിക്കും.
വിവിധ ജില്ലകളിൽ അഭിവാദ്യം സ്വീകരിക്കുന്ന മന്ത്രിമാർ:
- കൊല്ലം: ശ്രീ. വി. ശിവൻകുട്ടി
- പത്തനംതിട്ട: ശ്രീമതി വീണാ ജോർജ്ജ്
- ആലപ്പുഴ: ശ്രീ. സജി ചെറിയാൻ
- കോട്ടയം: ശ്രീമതി ജെ. ചിഞ്ചുറാണി
- ഇടുക്കി: ശ്രീ. റോഷി അഗസ്റ്റിൻ
- എറണാകുളം: ശ്രീ. പി. രാജീവ്
- തൃശ്ശൂർ: ഡോ. ആർ. ബിന്ദു
- പാലക്കാട്: ശ്രീ. എം. ബി. രാജേഷ്
- മലപ്പുറം: ശ്രീ. കെ. രാജൻ
- വയനാട്: ശ്രീ. ഒ.ആർ. കേളു
- കണ്ണൂർ: ശ്രീ. രാമചന്ദ്രൻ കടന്നപ്പള്ളി
- കാസർഗോഡ്: ശ്രീ. കെ. കൃഷ്ണൻകുട്ടി
പൊതുഭരണ (പ്രോട്ടോക്കോൾ) വകുപ്പ് പുറത്തിറക്കിയ ഉത്തരവ് പ്രകാരമാണ് ക്രമീകരണങ്ങൾ.
