‘ഐ പർപ്പിൾ യൂ’; പർപ്പിൾ സാരിയിൽ ശാലീന സുന്ദരിയായി മഞ്ജു വാര്യർ, ചിത്രങ്ങൾ വൈറൽ
തിരുവനന്തപുരം: മലയാളത്തിന്റെ ലേഡി സൂപ്പർസ്റ്റാർ മഞ്ജു വാര്യരുടെ ഏറ്റവും പുതിയ ഫോട്ടോഷൂട്ട് ചിത്രങ്ങളാണ് ഇപ്പോൾ സോഷ്യൽ മീഡിയയിൽ ആരാധകരുടെ മനം കവരുന്നത്. പർപ്പിൾ നിറത്തിലുള്ള സാരിയിൽ അതീവ സുന്ദരിയായാണ് താരം പ്രത്യക്ഷപ്പെട്ടിരിക്കുന്നത്. പങ്കുവെച്ച് നിമിഷങ്ങൾക്കകം തന്നെ ചിത്രങ്ങൾ വൈറലായി.
മൊഡാൽ സിൽക്ക് ഇനത്തിൽപ്പെട്ട പർപ്പിൾ സാരിയാണ് മഞ്ജു ധരിച്ചിരിക്കുന്നത്. ഇതിന് ചേരുന്ന ഹൈനെക്ക് ബ്ലൗസ് താരത്തിന്റെ ലുക്കിന് പൂർണ്ണത നൽകുന്നു. ബോൾഡ് ലുക്ക് നൽകുന്ന കേളി ലോങ് ഹെയർ സ്റ്റൈലും, മിനിമൽ മേക്കപ്പും മഞ്ജുവിനെ കൂടുതൽ സുന്ദരിയാക്കുന്നു. ‘ഐ പർപ്പിൾ യൂ’ എന്ന രസകരമായ ക്യാപ്ഷനോടെയാണ് താരം ചിത്രങ്ങൾ പങ്കുവെച്ചിരിക്കുന്നത്.
നിരവധി ആരാധകരാണ് ചിത്രങ്ങൾക്ക് താഴെ കമന്റുകളുമായി എത്തുന്നത്. പ്രായം കൂടുന്തോറും സൗന്ദര്യം കൂടുകയാണെന്നും, പർപ്പിൾ നിറം മഞ്ജുവിന് ഏറെ ഇണങ്ങുന്നുണ്ടെന്നും ആരാധകർ പറയുന്നു. താരത്തിന്റെ സ്റ്റൈലിഷ് മേക്കോവറിന് പിന്നിൽ പ്രവർത്തിച്ചവരെക്കുറിച്ചുള്ള വിവരങ്ങൾ ചിത്രങ്ങളോടൊപ്പം നൽകിയിട്ടുണ്ട്.
