ക്ഷാമബത്ത 3 ശതമാനം അനുവദിക്കും; ഫയൽ ധനകാര്യ മന്ത്രിയുടെ ഓഫിസിൽ
തിരുവനന്തപുരം: സംസ്ഥാനത്തെ സർക്കാർക്ക് ജീവനക്കാർക്ക് ക്ഷാമബത്ത ഒരു ഗഡു അനുവദിക്കും. 3 ശതമാനം ക്ഷാമബത്തയാണ് അനുവദിക്കുന്നത്. ഇത് സംബന്ധിച്ച ഫയൽ ധനമന്ത്രിയുടെ ഓഫിസിൽ ആണ്. കെ.എൻ ബാലഗോപാൽ ഈ ഫയലിൽ ഉടൻ തീരുമാനം എടുക്കും എന്നാണ് ലഭിക്കുന്ന സൂചന
കേന്ദ്രം ജൂലൈ പ്രാബല്യത്തിലെ ക്ഷാമബത്ത സെപ്റ്റംബറിൽ പ്രഖ്യാപിക്കുന്നതോടെ കേരളത്തിലെ കുടിശിക 7 ഗഡുക്കളായി ഉയരും. അതിന് മുൻപ് ഒരു ഗഡു അനുവദിക്കുന്നത് വഴി കുടിശിക 6 ഗഡുക്കളിൽ നിർത്താൻ സാധിക്കുമെന്ന കണക്കുകൂട്ടലിലാണ് ധനമന്ത്രി.
2022 ജൂലൈ പ്രാബല്യത്തിലെ ക്ഷാമബത്തയാണ് അനുവദിക്കുന്നത്. എന്നാൽ ഇതിന് കുടിശിക അനുവദിക്കുകയില്ല. ബാലഗോപാൽ ധനമന്ത്രിയായതിന് ശേഷം 3 ഗഡു ക്ഷാമബത്തയാണ് ഇതുവരെ അനുവദിച്ചത്. 2021 ജനുവരി, ജൂലൈ, 2022 ജനുവരി എന്നീ കാലയളവിലെ ക്ഷാമബത്തയാണ് അനുവദിച്ചത്.
പ്രഖ്യാപിച്ച 3 ഗഡു ക്ഷാമബത്തക്കും കുടിശിക അനുവദിച്ചിരുന്നില്ല. അതേ മാതൃകയിലായിരിക്കും ഇത്തവണയും ക്ഷാമബത്ത അനുവദിക്കുക. ഐ.എ.എസ് , ഐ.പി.എസ് ഉൾപ്പെടെയുള്ള ആൾ ഇന്ത്യ സിവിൽ സർവീസ് ഉദ്യോഗസ്ഥർ, ജുഡിഷ്യൽ ഓഫിസർമാർ, പി.എസ്.സി ചെയർമാനും അംഗങ്ങൾക്കും ഇങ്ങനെയുള്ള 3 വിഭാഗക്കാർക്ക് മാത്രമാണ് കേരളത്തിൽ ക്ഷാമ ബത്ത കൃത്യമായി ലഭിക്കുന്നത്. ഇവർക്ക് കുടിശിക പണമായിട്ട് നൽകുകയും ചെയ്യും.
2022 ജൂലൈ മുതൽ പ്രാബല്യമുള്ള ഗഡുവാണ് ഇപ്പോൾ അനുവദിക്കുന്നത്. എന്നാൽ, മുൻ ഗഡുക്കൾക്ക് സമാനമായി ഇത്തവണയും കുടിശ്ശിക പണമായി നൽകില്ല. അതായത്, 2022 ജൂലൈ മുതൽ ഇന്നുവരെയുള്ള വർധനവിന്റെ ഒരു വലിയ തുക ജീവനക്കാർക്ക് ലഭിക്കില്ല. പകരം, പ്രഖ്യാപനം വരുന്ന മാസം മുതലുള്ള ശമ്പളത്തിൽ ഈ 3 ശതമാനത്തിന്റെ വർധനവ് രേഖപ്പെടുത്തും.
കെ.എൻ. ബാലഗോപാൽ ധനമന്ത്രിയായ ശേഷം അനുവദിക്കുന്ന നാലാമത്തെ ക്ഷാമബത്ത ഗഡുവാണിത്. ഇതിന് മുൻപ് 2021 ജനുവരി, ജൂലൈ, 2022 ജനുവരി മാസങ്ങളിലെ ഗഡുക്കൾ അനുവദിച്ചപ്പോഴും കുടിശ്ശിക നൽകിയിരുന്നില്ല.
നിലവിൽ 6 ഗഡു ഡിഎ ആണ് സംസ്ഥാനത്ത് കുടിശ്ശികയുള്ളത്. കേന്ദ്ര സർക്കാർ അടുത്ത ഗഡു പ്രഖ്യാപിക്കുന്നതോടെ ഇത് 7 ആയി ഉയരും. അതിന് മുൻപ് ഒരു ഗഡു അനുവദിച്ച് കുടിശ്ശികയുടെ എണ്ണം 6-ൽ തന്നെ നിർത്താനുള്ള തന്ത്രപരമായ നീക്കമാണ് സർക്കാർ നടത്തുന്നത്.
