തോറ്റെന്ന് ഉറപ്പിച്ച മൽസരത്തിൽ 87 ആം മിനിട്ടിൽ മെസിയുടെ ഉജ്വല ഫ്രീകിക്ക് ഗോൾ. മെസിയിൽ നിന്ന് ഊർജം കൊണ്ട് 95 ആം മിനിട്ടിൽ സെഗോവിയയുടെ ഗോളും. മൽസരത്തിൻ്റെ അവസാന സമയത്തെ ഈ രണ്ട് ഗോളിൻ്റെ മികവിൽ ഫിലാഡെൽഫിയയെ ഇൻ്റർ മിയാമി സമനിലയിൽ തളച്ചു.
87 ആം മിനിട്ട് വരെ 3-1 ലീഡിലായിരുന്നു ഫിലാഡെൽഫിയ . മെസിയുടെ മാജിക് ഗോളിൽ തകരുകയായിരുന്നു ഫിലാഡെൽഫിയ.മൽസരം സമനിലയിൽ ആയെങ്കിലും മേജർ സോക്കർ ലീഗിൽ ഒന്നാം സ്ഥാനത്ത് തുടരുകയാണ് ഫിലാഡെൽഫിയ .15 മൽസരത്തിൽ നിന്ന് 30 പോയിൻ്റ് ആണ് ഫിലാഡെൽഫിയക്ക് ഉള്ളത്.
ആറാം സ്ഥാനത്താണ് മെസിയുടെ ഇൻ്റർമിയാമി . 14 കളിയിൽ നിന്ന് 23 പോയിൻ്റാണ് ഇൻ്റർമിയാമിക്ക് ഉള്ളത്. മെയ് 29 ന് മോൺട്രിയലിനെതിരെ ഇൻ്റർമിയാമിയുടെ അടുത്ത മൽസരം. പ്രതിരോധ പിഴവുകൾ ആണ് മിയാമിക്ക് വിനയാകുന്നത്.
