പിവി അൻവർ യുഡിഎഫിലേക്ക്; അന്തിമ തീരുമാനം വി.ഡി. സതീശന് വിട്ട് മുന്നണിയോഗം

തിരുവനന്തപുരം: സിപിഎമ്മുമായി അകന്ന നിലമ്പൂർ മുൻ എംഎൽഎ പിവി അൻവറുമായി സഹകരിക്കാൻ ഇന്ന് ചേർന്ന യുഡിഎഫ് യോഗത്തിൽ തീരുമാനം. യുഡിഎഫിലെ ഘടകകക്ഷിയിൽ ലയിച്ചായിരിക്കും അൻവറിന്റെ ഭാവി രാഷ്ട്രീയനീക്കങ്ങൾ എന്നാണ് അറിയുന്നത്.

ഇതിന്റെ ഭാഗമായി സിഎംപിയുമായി ചർച്ചകൾ ആരംഭിക്കും. അൻവറിന്റെ മുന്നണി പ്രവേശം എങ്ങനെ വേണമെന്ന് തീരുമാനിക്കാൻ പ്രതിപക്ഷ നേതാവ് വി.ഡി. സതീശനെ ചുമതലപ്പെടുത്തി.

ഏതെങ്കിലും യുഡിഎഫ് ഘടകകക്ഷിയിൽ താൻ കൺവീനറായ തൃണമൂൽ കോൺഗ്രസ് പാർട്ടിയെ ലയിപ്പിച്ച് മുന്നണിയിൽ എത്താൻ അൻവറിന്റെ നീക്കം. സി എം പി അടക്കമുള്ള കക്ഷികളുമായി അൻവർ ചർച്ച നടത്തും. കോൺഗ്രസ് നേതാക്കളുടെ അറിവോടെയാണ് നീക്കം. ഇന്ന് കോഴിക്കോട്ടാണ് യുഡിഎഫ് യോഗം ചേർന്നത്.