വെസ്റ്റ് ഇൻഡീസ് ടെസ്റ്റ് ക്യാപ്റ്റൻ സ്ഥാനം ക്രെയ്ഗ് ബ്രാത്‌വൈറ്റ് രാജിവച്ചു

വെസ്റ്റ് ഇൻഡീസിന്റെ വരാനിരിക്കുന്ന ഹോം സീസണിന് മുന്നോടിയായി ക്രെയ്ഗ് ബ്രാത്‌വൈറ്റ് ടെസ്റ്റ് ക്യാപ്റ്റൻ സ്ഥാനം രാജിവച്ചു. വിക്കറ്റ് കീപ്പർ ബാറ്റ്സ്മാൻ ഷായ് ഹോപ്പിനെ ഏകദിന ക്യാപ്റ്റനെന്ന സ്ഥാനത്തിന് പുറമേ ടി20 ക്യാപ്റ്റനായും നിയമിച്ചു. 2023 മുതൽ ടി20 ടീമിനെ നയിച്ചിരുന്ന റോവ്മാൻ പവലിന് പകരക്കാരനായാണ് ഹോപ്പ് എത്തുന്നത്.

“ടെസ്റ്റ് ക്യാപ്റ്റൻ സ്ഥാനം ക്രെയ്ഗ് ബ്രാത്‌വൈറ്റ് ഔദ്യോഗികമായി രാജിവച്ചു, വെസ്റ്റ് ഇൻഡീസിന്റെ പാകിസ്ഥാൻ പര്യടനം വിജയകരമായി പൂർത്തിയാകുന്നതിന് മുമ്പ് ഈ വർഷം ആദ്യം സിഡബ്ല്യുഐ നേതൃത്വത്തോട് രാജിവക്കാനുള്ള തീരുമാനം നേരത്തെ സൂചിപ്പിച്ചിരുന്നു,” ബോർഡ് ഒരു പ്രസ്താവനയിൽ പറഞ്ഞു. “തുടർച്ചയുടെ പ്രാധാന്യം മനസ്സിലാക്കിക്കൊണ്ട്, താൻ പോകുന്നതിനുമുമ്പ് ടീമിന് ഒരു പരിവർത്തന കാലഘട്ടം ഉറപ്പാക്കാനാണ് ബ്രാത്വൈറ്റിന്റെ രാജിയെന്നാണ് വിശദീകരണം.

2017 മുതൽ 2025 വരെ 39 ടെസ്റ്റുകളിൽ വെസ്റ്റ് ഇൻഡീസിനെ നയിച്ച ബ്രാത്‌വെയ്റ്റ് പത്ത് മത്സരങ്ങളിൽ വിജയിക്കുകയും 22 മത്സരങ്ങൾ തോൽക്കുകയും ചെയ്തു. 2021 ൽ മാത്രമാണ് അദ്ദേഹം ഔദ്യോഗിക ക്യാപ്റ്റനായി ചുമതലയേറ്റത്, 2024 ജനുവരിയിൽ ഓസ്‌ട്രേലിയയിൽ നടന്ന ഗബ്ബ ടെസ്റ്റ് വിജയം, 2025 ൽ പാകിസ്ഥാനിൽ 1-1 ന് സമനിലയിലായ പരമ്പര, 2022 ൽ ഇംഗ്ലണ്ടിനെതിരെ 1-0 ന് നേടിയ ഹോം പരമ്പര വിജയം എന്നിവ അദ്ദേഹത്തിന്റെ കാലാവധിയിലെ പ്രധാന മൽസരങ്ങളായിരുന്നു.

“ക്രെയ്ഗ് ബ്രാത്‌വെയ്റ്റ് ഞങ്ങളുടെ ടെസ്റ്റ് ടീമിന്റെ മികച്ച ക്യാപ്റ്റനാണ്, അച്ചടക്കം, സ്ഥിരത, കളിയെക്കുറിച്ചുള്ള ആഴത്തിലുള്ള ധാരണ എന്നിവയിലൂടെ ടീമിനെ നയിക്കുന്നു,” സിഡബ്ല്യുഐ ക്രിക്കറ്റ് ഡയറക്ടർ മൈൽസ് ബാസ്‌കോംബ് പറഞ്ഞു. “അദ്ദേഹത്തിന്റെ സംഭാവനകൾ വിലമതിക്കാനാവാത്തതാണ്, അദ്ദേഹത്തിന്റെ നേതൃത്വത്തിൽ, വരും വർഷങ്ങളിൽ ഓർമ്മിക്കപ്പെടുന്ന ചരിത്ര നിമിഷങ്ങൾക്ക് ഞങ്ങൾ സാക്ഷ്യം വഹിച്ചു. ക്രെയ്ഗിന്റെ ക്യാപ്റ്റനെന്ന നിലയിലുള്ള സേവനത്തിന് ഞങ്ങൾ നന്ദി പറയുന്നു, ഒരു സീനിയർ കളിക്കാരനെന്ന നിലയിൽ അദ്ദേഹത്തിന്റെ തുടർന്നുള്ള സ്വാധീനം പ്രതീക്ഷിക്കുന്നു.”

സായ് ഹോപ്പിനെ ടി20ഐ ക്യാപ്റ്റനായി നിയമിക്കാനുള്ള തീരുമാനം “ഹെഡ് കോച്ച് ഡാരൻ സാമിയുടെ ഉപദേശം സ്വീകരിച്ചതിന് ശേഷമാണ്” എടുത്തതെന്നും, പവൽ “തീരുമാനം പ്രൊഫഷണലിസത്തോടും കൂടി സ്വീകരിച്ചു” എന്നും ബാസ്കോംബ് പറഞ്ഞു.
2023 മെയ് മുതൽ പവൽ വെസ്റ്റ് ഇൻഡീസിന്റെ ടി20ഐ ക്യാപ്റ്റനായിരുന്നു, ഇന്ത്യ, ഇംഗ്ലണ്ട്, ദക്ഷിണാഫ്രിക്ക എന്നിവയ്‌ക്കെതിരായ ഹോം പരമ്പര വിജയങ്ങളിലേക്ക് അവരെ നയിച്ചു.