സിനിമാ ചിത്രീകരണത്തിനിടെ അപകടം; ഇമ്രാൻ ഹാഷ്‍മിക്ക് പരിക്ക്
ഇമ്രാൻ ഹാഷ്മി ബോളിവുഡ് പ്രേക്ഷകരുടെ മനസ്സിൽ ഇടം നേടിയ താരമാണ്. ഇപ്പോൾ, ഒരു സിനിമാ ചിത്രീകരണത്തിനിടെ താരത്തിന് ചെറിയ പരുക്കേറ്റതായി റിപ്പോർട്ടുകളുണ്ട്. പരുക്ക് ഗുരുതരമല്ല. ‘ജി 2’ എന്ന ചിത്രത്തിന്റെ ആക്ഷൻ രംഗങ്ങൾ ചിത്രീകരിക്കുന്നതിനിടെയായിരുന്നു അപകടം സംഭവിച്ചത്.
ഇമ്രാൻ ഹാഷ്മി ബോളിവുഡിൽ അരങ്ങേറ്റം കുറിച്ചത് ‘മർഡർ’ എന്ന ചിത്രത്തിലൂടെയായിരുന്നു. അതിന്റെ വിജയത്തോടെ തന്നെ അദ്ദേഹം ‘സീരിയൽ കിസ്സർ’ എന്ന പേരിൽ അറിയപ്പെട്ടു. എന്നാൽ, ഇമ്രാൻ ഹാഷ്മി തന്റെ അഭിനയ മികവിലൂടെ മികച്ച നടനെന്ന രീതിയിൽ എന്നും തന്റെ സ്ഥാനം ഉറപ്പാക്കി. റിയലിസ്റ്റിക് അവതരണ രീതിയിലാണ് ബോളിവുഡ് കഥാപാത്രങ്ങളെ നടൻ എന്നും അവതരിപ്പിച്ചിരിക്കുന്നതെന്ന പ്രത്യേകതയുണ്ട്.
ഇമ്രാൻ ഹാഷ്മി നിരവധി ഹിറ്റ് സംഗീത വീഡിയോകളിലും ശ്രദ്ധേയനായിരുന്നു. 2015-ൽ പുറത്തിറങ്ങിയ അർമാൻ മാലിക്-അമാൽ മാലിക് കൂട്ടുകെട്ടിന്റെ ‘മെയിൻ റഹൂൻ യാ നാ റഹൂൻ’ എന്ന സംഗീത വീഡിയോയിൽ ഇമ്രാൻ ഹാഷ്മി അഭിനയിച്ചപ്പോൾ ആ ഗാനവും ശ്രദ്ധേയമായി.
‘ഇഷ്‍ഖ് നഹി കർതേ’ എന്ന ഇമ്രാൻ ഹാഷ്‍മിയുടെ പുതിയ വീഡിയോ ഗാനം ദുബായിൽ ചിത്രീകരിച്ചിരിക്കുന്നു. ജാനിയും ബി പ്രാകും ആണ് സംഗീത സംവിധാനം നിര്‍വഹിച്ചിരിക്കുന്നത്. ഗഗൻ രണ്‍ധവയാണ് വീഡിയോയുടെ ഛായാഗ്രാഹണം നിര്‍വഹിച്ചത്.
ജാനിയും ബി പ്രാകും തന്നെയാണ് വീഡിയോ ഗാനം എഴുതി ആലപിക്കുകയും ചെയ്‍തിരിക്കുന്നത്. രാജ് ജെയ്‍സ്വാള്‍ വീഡിയോ നിര്‍മിച്ചിരിക്കുന്നു. സാഹെര്‍ ബാംബയും വീഡിയോയില്‍ ബോളിവുഡ് നടൻ ഇമ്രാൻ ഹാഷ്‍മിക്കൊപ്പമുണ്ട്. ഇമ്രാൻ ഹാഷ്‍മിയുടെ വീഡിയോ പുറത്തുവിട്ട് അധികമാകും മുന്നേ വിജയമായിരുന്നു.
