ബി.എൻ.എസ് വകുപ്പ് 84: വിവാഹിതയായ സ്ത്രീകളുടെ സുരക്ഷയ്ക്കും കുടുംബബന്ധങ്ങളുടെ നിലനിൽപ്പിനുമുള്ള ശക്തമായ പ്രതിരോധം

• സുരേഷ് വണ്ടന്നൂർ

ഭർത്താവും കുഞ്ഞിങ്ങളും ഉള്ള വീട്ടമ്മമാരെ പ്രലോഭിച്ച് കുടുംബങ്ങളെ അനാധമാക്കി സ്ത്രീകളെ പ്രലോഭിപ്പിച്ച്, വശീകരിച്ച്, തട്ടിക്കൊണ്ടുപോകൽ, തടങ്കലിൽ വെയ്ക്കൽ എന്നിവക്കെതിരെ ശക്തമായ നിയമപരമായ പ്രതിരോധം ഒരുക്കുന്ന ഭാരതീയ ന്യായ സൻഹിത (BNS) വകുപ്പ് 84, സ്ത്രീകളുടെയും കുടുംബജീവിതത്തിന്റെയും സുരക്ഷ ഉറപ്പാക്കുന്നു.

നിയമത്തിന്റെ അടിസ്ഥാന സന്ദേശം

മറ്റൊരാളുടെ ഭാര്യയെ അറിയാവുന്നതോ അറിയേണ്ടിയിരുന്നതോ ആയ ഒരു വ്യക്തി പ്രലോഭിപ്പിക്കുകയോ, വശീകരിക്കുകയോ, തട്ടിക്കൊണ്ടുപോകുകയോ, തടവിൽ പാർപ്പിക്കുകയോ ചെയ്താൽ, അത് ശിക്ഷാർഹമായ കുറ്റകൃത്യമായി കണക്കാക്കപ്പെടും.

1. ശിക്ഷാനിയമങ്ങൾ

ബി.എൻ.എസ്. വകുപ്പ് 84 പ്രകാരം, കുറ്റം തെളിയുമെങ്കിൽ പ്രതിക്ക് 2 വർഷം വരെ തടവ് പിഴ. കോടതി, കേസിന്റെ ഗൗരവം, മറ്റ് സാഹചര്യങ്ങൾ, ഉദ്ദേശ്യങ്ങൾ എന്നിവ കണക്കിലെടുത്ത് ശിക്ഷ നിശ്ചയിക്കും.

2. ജാമ്യവ്യവസ്ഥ (Bailable Offense)

ഈ കുറ്റത്തിന് ജാമ്യാപേക്ഷ അനുവദനീയമാണ്. പ്രതിക്ക് കോടതിയിൽ നിന്നോ പോലീസിന്റെ അനുമതിയോടുകൂടിയോ ജാമ്യം ലഭിക്കും.

3. വിചാരണാധികാരം (Trial Jurisdiction)

മജിസ്‌ട്രേറ്റ് കോടതികൾക്ക് ഈ കുറ്റങ്ങൾ വിചാരണ ചെയ്യാനുള്ള അധികാരം ഉണ്ട്.

നിയമത്തിന്റെ പ്രാധാന്യം

സ്ത്രീകളുടെ സുരക്ഷയും മാനവികതയും

ഈ വകുപ്പ് സ്ത്രീകളെ ബലപ്രയോഗം, പീഡനം, കബളിപ്പിക്കൽ എന്നിവയിൽ നിന്ന് സംരക്ഷിക്കാൻ സഹായിക്കുന്നു. കുടുംബജീവിതം തകർക്കുന്ന അന്യപുരുഷ ബന്ധങ്ങളെ തടയുന്നതിൽ ഇത് നിർണായകമാണ്.

കുടുംബബന്ധങ്ങളുടെ സംരക്ഷണം

വിവാഹിത സ്ത്രീയെ അന്യപുരുഷൻ തട്ടിക്കൊണ്ടുപോയാൽ അത് കുടുംബത്തിൽ ചലനമുണ്ടാക്കും. കുട്ടികളുടെ മാനസിക നിലയുമായി ബന്ധപ്പെടുന്ന പ്രശ്‌നങ്ങളും വിവാഹബന്ധം തകരാനും സാധ്യതയുമുണ്ട്. ഈ നിയമം ഇത്തരം പ്രത്യാഘാതങ്ങൾ തടയാൻ സഹായിക്കുന്നു.

അന്യപുരുഷ ബന്ധങ്ങൾ നിയന്ത്രിക്കൽ

മറ്റൊരാളുടെ ഭാര്യയെ വശീകരിക്കാനുള്ള ശ്രമങ്ങൾ സാമൂഹികമായി അശ്ലീലവും നിയമപരമായി ശിക്ഷാർഹവുമാണ്. ഇത്, കുടുംബ വ്യവസ്ഥയെ ബലപ്പെടുത്താനും സാമൂഹിക അനിഷ്ടങ്ങൾ തടയാനും സഹായിക്കും.

കേസുദാഹരണങ്ങൾ

കേസ് 1: ബലപ്രയോഗത്തോടുകൂടിയ തട്ടിക്കൊണ്ടുപോകൽ

ഒരു പുരുഷൻ, വിവാഹിതയായ സ്ത്രീയെ ബലം പ്രയോഗിച്ച് തട്ടിക്കൊണ്ടുപോകുകയും തടവിൽ പാർപ്പിക്കുകയും ചെയ്താൽ, ഇത് ഗുരുതരമായ കുറ്റകൃത്യമായി കണക്കാക്കപ്പെടും.

കേസ് 2 : സ്നേഹബന്ധത്തിന്റെ മറവിൽ വശീകരിക്കൽ

വിവാഹിതയായ സ്ത്രീയെ അറിയാവുന്നതോടെ, ഒരു പുരുഷൻ വശീകരിക്കുകയും കുടുംബജീവിതം തകർക്കാൻ ശ്രമിക്കുകയും ചെയ്താൽ, ഇത് നിയമവിരുദ്ധമാണ്.

കേസ് 3: വിവാഹ വാഗ്ദാനത്തിന്റെ പേരിൽ തട്ടിക്കൊണ്ടുപോകൽ

ഒരു പുരുഷൻ വിവാഹിതയായ സ്ത്രീയെ വിവാഹ വാഗ്ദാനം നൽകി വഞ്ചിക്കുകയും തട്ടിക്കൊണ്ടുപോകുകയും ചെയ്താൽ, ഇത് കുറ്റകരമാണ്.

നിയമലംഘനങ്ങൾക്കെതിരെ എങ്ങനെ പരാതി നൽകാം?

ആസന്നഭീഷണി നേരിടുമ്പോൾ അടുത്തുള്ള പോലീസ് സ്റ്റേഷനിൽ നേരിട്ട് പരാതി നൽകാം. വനിതാ കമ്മീഷനിലോ, പൊതുസുരക്ഷാ വിഭാഗത്തിലോ പരാതി നൽകാം. ഓൺലൈൻ സൗകര്യങ്ങൾ ഉപയോഗിച്ച് പരാതികൾ രജിസ്റ്റർ ചെയ്യാവുന്നതാണ്.

നിയമപരമായ നടപടികൾ സ്വീകരിക്കൽ

കുടുംബ കോടതിയിലോ മജിസ്‌ട്രേറ്റ് കോടതിയിലോ പരാതി നൽകാം. ഭീഷണി നേരിടുന്ന സ്ത്രീകൾക്ക് പോലീസ് സംരക്ഷണം ആവശ്യപ്പെടാം.

പരിരക്ഷാ ഉത്തരവ് (Restraining Order) ലഭ്യമാക്കൽ

ഭീഷണിക്കിരയാകുന്ന സ്ത്രീകൾക്ക് കോടതിയിലൂടെ പ്രതിക്കെതിരെ പരിരക്ഷാ ഉത്തരവ് നേടാൻ കഴിയും.

ബി.എൻ.എസ്. വകുപ്പ് 84, സ്ത്രീകളുടെ സുരക്ഷയ്ക്കും കുടുംബ ബന്ധങ്ങളുടെ സംരക്ഷണത്തിനും നിർണ്ണായകമായ നിയമമാണ്. അന്യപുരുഷർ വിവാഹിതരായ സ്ത്രീകളുടെ സ്വകാര്യതക്കും കുടുംബ ബന്ധത്തിനുമുള്ള ആസന്നഭീഷണിയാകുന്നത് തടയുന്നതിന് ഈ നിയമം നിർണായകമാണ്. സ്ത്രീകളുടെയും കുടുംബങ്ങളുടെയും അവകാശങ്ങൾ സംരക്ഷിക്കാൻ, സമൂഹത്തിൻ്റെ എല്ലാ കോണിലും ഈ നിയമത്തെക്കുറിച്ചുള്ള അവബോധം വർദ്ധിപ്പിക്കേണ്ടത് അത്യാവശ്യമാണ്.