Cinema
‘പേട്ടറാപ്പ്’ ചിത്രത്തിലെ ‘ലിക്കാ ലിക്കാ’ ഗാനം റിലീസായി
പേട്ടറാപ്പ്’ ചിത്രത്തിലെ ഫൂട്ട് ടാപ്പിംഗ് ഗാനം ‘ലിക്കാ ലിക്കാ’ റിലീസായി. പ്രഭുദേവയും വേദികയും വ്യത്യസ്ത നൃത്തച്ചുവടുകൾ കൊണ്ട് പ്രേക്ഷകരെ വിസ്മയിപ്പിക്കുകയാണ് ഈ ഗാനത്തിലൂടെ. സെപ്റ്റംബർ 27 ന് തീയേറ്ററുകളിൽ റിലീസാകുന്ന ചിത്രം സംവിധാനം ചെയ്തിരിക്കുന്നത് എസ്.ജെ. സിനുവാണ്. ഡി. ഇമ്മൻ സംഗീത സംവിധാനം നിർവഹിച്ച ഗാനത്തിന്റെ ആലാപനം നികിതാ ഗാന്ധിയും യാസിൻ നിസാറുമാണ്.
ബ്ലൂ ഹിൽ ഫിലിംസിന്റെ ബാനറിൽ ജോബി പി. സാമാണ് പേട്ട റാപ്പ് നിർമിക്കുന്നത്.
പേട്ടറാപ്പിന്റെ തിരക്കഥ ഒരുക്കിയിരിക്കുന്നത് പി.കെ. ദിനിലാണ്. ഛായാഗ്രഹണം ജിത്തു ദാമോദർ നിർവഹിക്കുന്നു. നിഷാദ് യൂസഫ് എഡിറ്റിംഗും എ.ആർ. മോഹൻ കലാസംവിധാനവും നിർവഹിക്കുന്ന ചിത്രത്തിൽ വിവേക് പ്രസന്ന, ഭഗവതി പെരുമാൾ, രമേഷ് തിലക്, രാജീവ് പിള്ള, കലാഭവൻ ഷാജോൺ, മൈം ഗോപി എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
