ജീവനക്കാരുടെയും അധ്യാപകരുടെയും പണിമുടക്ക് ജനുവരി 22 ന് ; പണിമുടക്ക് നോട്ടിസ് നൽകി സെറ്റോ

സംസ്ഥാന സർക്കാർ ജീവനക്കാരും അധ്യാപകരും 22നു സെറ്റോയുടെ നേതൃത്വത്തില്‍ പണിമുടക്കുന്നതുമായി ബന്ധപ്പെട്ടു നോട്ടീസ് നല്‍കി. ചീഫ് സെക്രട്ടറിക്കാണ് പണിമുടക്ക് നോട്ടിസ് നൽകിയത്.

ക്ഷാമബത്ത(19%), ലീവ് സറണ്ടർ, ശമ്പള പരിഷ്ക്കരണം കുടിശ്ശികയാക്കിയ ആനുകൂല്യങ്ങൾ തിരികെ നൽകുക,
പങ്കാളിത്ത പെൻഷൻ പിൻവലിച്ച് സ്റ്റാറ്റ്യൂട്ടറി പെൻഷൻ പുന:സ്ഥാപിക്കുക,01/07/2024 മുതൽ ലഭിക്കേണ്ട പന്ത്രണ്ടാം ശമ്പള പരിഷ്കരണം നടപ്പിലാക്കുക, സർക്കാർ വിഹിതത്തോടെ മെഡിസെപ്പ് നടപ്പാക്കുക, പൊതു- ഉന്നത വിദ്യാഭ്യാസ മേഖലയിലെ പ്രശ്നങ്ങൾ പരിഹരിക്കുക, സെക്രട്ടേറിയറ്റ് സർവീസ് സംരക്ഷിക്കുക,സെക്രട്ടേറിയറ്റ് ദ്രോഹ ഭരണ പരിഷ്ക്കാര ഉത്തരവുകൾ പിൻവലിക്കുക തുടങ്ങിയവ ആവശ്യങ്ങൾ ഉന്നയിച്ചാണ് പണിമുടക്ക് പ്രഖ്യാപിച്ചിരിക്കുന്നത്.

അന്നേ ദിവസം സി പി ഐ സർവീസ് സംഘടനകളും പണിമുടക്ക് പ്രഖ്യാപിച്ചിട്ടുണ്ട്. ഭരണകക്ഷിയും പ്രതിപക്ഷവും ഒരുമിച്ച് പണിമുടക്ക് പ്രഖ്യാപിച്ച അപൂർവതക്ക് കൂടി സാക്ഷ്യം വഹിക്കുകയാണ് ജനുവരി 22 .