KN Balagopal says Rs. 2,70,080 crore received as Central share

കേന്ദ്ര വിഹിതം: ലഭിച്ചത് 2,70,080 കോടിയെന്ന് കെ.എൻ. ബാലഗോപാൽ

MalayalamMediaLiveJanuary 2, 2025

1 minute read

കേന്ദ്ര വിഹിതമായി ലഭിച്ചത് 2,75,080 കോടി. കഴിഞ്ഞ 8 സാമ്പത്തിക വർഷങ്ങളിലായി കേന്ദ്ര വിഹിതം ആയി 2,75,080.25 കോടി ലഭിച്ചെന്ന് ധനമന്ത്രി കെ.എൻ. ബാലഗോപാൽ.

2016- 17 സാമ്പത്തിക വർഷം മുതൽ 2023- 24 വരെയുള്ള കണക്കാണിത്. ഇതിൽ 2021- 22 സാമ്പത്തിക വർഷം ആണ് ഏറ്റവും കൂടുതൽ കേന്ദ്ര വിഹിതം ലഭിച്ചത്.47837.21 കോടിയാണ് കേന്ദ്ര വിഹിതം ആയി 2021-22 സാമ്പത്തിക വർഷം ലഭിച്ചത്.

കെ.എൻ. ബാലഗോപാൽ ധനമന്ത്രി ആയ ആദ്യ സാമ്പത്തിക വർഷം ആണ് കേന്ദ്ര വിഹിതം ആയി ഏറ്റവും കൂടുതൽ തുക ലഭിച്ചതെന്ന് കണക്കുകളിൽ നിന്ന് വ്യക്തം. ഒന്നാം പിണറായി സർക്കാരിൽ തോമസ് ഐസക്ക് ധനമന്ത്രി ആയ കാലഘട്ടത്തിൽ 2016- 17 സാമ്പത്തിക വർഷം മുതൽ 2020-21 സാമ്പത്തിക വർഷം വരെ കേന്ദ്ര വിഹിതമായി ലഭിച്ചത് 1,49,788.41 കോടിയാണ്.

രണ്ടാം പിണറായി സർക്കാരിൽ കെ.എൻ. ബാലഗോപാൽ ധനമന്ത്രി ആയ ആദ്യ 3 സാമ്പത്തിക വർഷം 1,25,291.84 കോടി രൂപ കേന്ദ്ര വിഹിതം ആയി ലഭിച്ചു. കേന്ദ്ര വിഹിതമായി കോടികൾ ലഭിച്ചിട്ടും സാമ്പത്തിക പ്രതിസന്ധിയിലേക് നയിച്ചത് സർക്കാരിൻ്റെ ധൂർത്തും കെടുകാര്യസ്ഥതയും ആണെന്ന് വ്യക്തം.