Government of Kerala - 2025 public holidays

പൊതു അവധികൾ കുറയും: 2025 ൽ തിരുവോണവും നബിദിനവും സെപ്റ്റംബർ അഞ്ചിന്

MalayalamMediaLiveDecember 17, 2024

0 1 minute read

തിരുവനന്തപുരം: 2025ലും പൊതു അവധികളുടെ എണ്ണം കുറയും. ഒന്നിലേറെ വിശേഷദിവസങ്ങളാണ് ഒരേ ദിവസം വരുന്നത്. അത് തന്നെയല്ല, 5 വിശേഷദിവസങ്ങൾ വരുന്നത് ഞായറാഴ്ചയാണ്.അതുകൊണ്ട് തന്നെ 2025ൽ ഒട്ടേറെ പൊതു അവധികൾ നഷ്ടമാവും.

തിരുവോണവും നബിദിനവും സെപ്റ്റംബർ 5നാണ്. ഒക്ടോബർ 2നാണ് ഗാന്ധിജയന്തിയും വിജയദശമിയും. ഏപ്രിൽ 14ന് വിഷു ദിവസം തന്നെയാണ് അംബേദ്കർ ജയന്തി. ശ്രീനാരായണഗുരു ജയന്തി, ശ്രീകൃഷ്ണ ജയന്തി, ശ്രീനാരായണഗുരു സമാധി, മുഹറം, നാലാം ഓണം, റിപ്പബ്ലിക് ഡേ എന്നിവയൊക്കെ വരുന്നത് ഞായറാഴ്ചയും. അതുകൊണ്ട് 6 അവധികളാണു 2025ൽ നഷ്ടപ്പെടുന്നത്. പൊതു അവധികളുടെ എണ്ണം കുറയുന്നതിന് കാരണം ഒന്നിലധികം ആഘോഷങ്ങൾ ഒരേ ദിവസമായി വരുന്നതാണ്. പ്രത്യേകിച്ച് ഞായറാഴ്ചകളിൽ 5 പ്രധാന ആഘോഷങ്ങൾ വരുന്നതുകൊണ്ട് പല അവധികളും നഷ്ടമാകുന്നു.

സെപ്റ്റംബർ 5: തിരുവോണം, നബിദിനം

ഒക്ടോബർ 2: ഗാന്ധി ജയന്തി, വിജയദശമി

ഏപ്രിൽ 14: വിഷു, അംബേദ്കർ ജയന്തി

ഇതുപോലെ, ശ്രീനാരായണഗുരു ജയന്തി, ശ്രീകൃഷ്ണ ജയന്തി, മുഹറം തുടങ്ങിയ പ്രധാന ദിവസങ്ങളും ഞായറാഴ്ചകളിൽ വരുന്നതുകൊണ്ട് ആകെ 6 അവധികളാണ് നഷ്ടമാകുന്നത്. 2025-ൽ ആകെ 24 പൊതു അവധികളാണുള്ളത്. ഇതിൽ 18 എണ്ണം പ്രവൃത്തി ദിവസങ്ങളിലാണ് വരുന്നത്. ഈ ദിവസങ്ങളിൽ സർക്കാർ, സ്‌കൂൾ, കോളേജുകൾ എല്ലാം അടച്ചിരിക്കും.