പാലക്കാട്: പാലക്കാട്ടെ ബിജെപിയുടെ അടിവേരിളക്കി യുഎഡിഎഫ്. തിരഞ്ഞെടുപ്പ് വിജയ സാധ്യതയിൽ പ്രതികരിച്ച് സന്ദീപ് ജി വാര്യർ രംഗത്ത്. പാലക്കാട്ടെ ജനം യുഡിഎഫിനൊപ്പമെന്നും ബിജെപിയുടെ പരാജയമാണ് ഉണ്ടാകാൻ പോകുന്നതെന്നും ഉറപ്പിക്കുകയാണ് സന്ദീപ് വാര്യർ.
അതേ സമയം ബിജെപി സംസ്ഥാന അധ്യക്ഷാൻ കെ.സുരേന്ദ്രനെതിരെ അതിരൂക്ഷ വിമർശനവും അദ്ദേഹം ഉന്നയിച്ചു. പാർട്ടി സംസ്ഥാന സെക്രട്ടറിയായി കെ സുരേന്ദ്രൻ ഉള്ളിടത്തോളം കാലം ബിജെപിക്ക് വിജയമുണ്ടാകില്ലെന്നും പാർട്ടി തോൽവികൾ നേരിട്ട് കൊണ്ടിരിക്കുമെന്നും സന്ദീപ് വാര്യർ പ്രതികരിച്ചു.
എന്തായാലും പാലക്കാട് ബിജെപി സ്ഥാനാർത്ഥിയെയും പിന്നിലാക്കി കൊണ്ട് വോട്ട് എണ്ണലിൽ രാഹുൽ മാങ്കൂട്ടത്തിൽ ലീഡിൽ നിൽക്കുന്ന കാഴ്ച്ചയാണ് ഇന്ന് പാലക്കാട് നിന്ന് വരുന്നത്. വിജയസാധ്യത മുന്നിൽ കണ്ട് കോൺഗ്രസ് പ്രവർത്തകർ ആഘോഷം തുടങ്ങി കഴിഞ്ഞു. 8ാം റൗണ്ടിൽ 10000 ത്തിന്റെ ലീഡിലാണ് രാഹുൽ മാങ്കൂട്ടത്തിൽ എത്തി നിൽക്കുന്നത്.
