സൂര്യ ഫാൻസ് ആഘോഷത്തിന് റെഡിയല്ലേ; ‘കങ്കുവ’ ഫാൻസ് ഷോ
സൂര്യ നായകനായി എത്തുന്ന ഏറ്റവും പുതിയ ചിത്രമാണ് ‘കങ്കുവ’, സിരുത്തൈ ശിവ സംവിധാനം നിര്‍വഹിച്ച ചിത്രം നവംബര്‍ 14ന് പ്രേക്ഷകര്‍ക്ക് മുന്നിലെത്തും. ചിത്രത്തെ സംബന്ധിച്ച് വലിയ പ്രതീക്ഷകളാണ് പ്രേക്ഷകരുടെ ഇടയില്‍ നിലനില്‍ക്കുന്നത്.
ഇപ്പോഴത്തെ ഏറ്റവും ചൂടുള്ള ചര്‍ച്ച, കേരളത്തിലെ ഫാൻസ് ഷോകളെ കുറിച്ചണ്. ‘കങ്കുവ’ റിലീസിന് മുന്നോടിയായി കേരളത്തില്‍ നാല് ഫാൻസ് ഷോകള്‍ ഹൗസ് ഫുള്ളായിരിക്കുകയാണ്. 6.5 ലക്ഷം രൂപ ഇതിനകം ഈ ഷോകളില്‍ നിന്ന് ചിത്രത്തിന് ലഭ്യമായി. സംസ്ഥാനത്തുടനീളം സൂര്യ ആരാധകര്‍ നിരവധി ഫാൻസ് ഷോകള്‍ സംഘടിപ്പിക്കാനിരിക്കുകയാണ്.
ചിത്രത്തിൽ സൂര്യ രണ്ട് കഥാപാത്രങ്ങളാണ് ചെയ്യുന്നത്. ഇതിൽ രണ്ടാമത്തെ കഥാപാത്രത്തിന്റെ പേര് ഫ്രാൻസിസ് ആണെന്ന് നേരത്തെ സംവിധായകൻ വെളിപ്പെടുത്തിയിരുന്നു. ‘കങ്കുവ’ 100 കോടിയിലധികം നേടുമോ എന്ന ചോദ്യവും പ്രേക്ഷകർക്കിടയിൽ ഉയര്‍ന്നുവരുന്നുണ്ട്.
‘കങ്കുവ’ സിനിമയുടെ ഒരു പ്രധാന ഗാനം നേരത്തെ പുറത്തുവിട്ടിരുന്നു. ഇതോടൊപ്പം തന്നെ രണ്ടാം ഭാഗത്തിന്റെ കഥയും പൂര്‍ത്തിയായിട്ടുണ്ടെന്നും നിര്‍മാതാവ് വ്യക്തമാക്കി. ‘കങ്കുവ 2’ന്റെ ചിത്രീകരണം 2026ല്‍ തുടങ്ങാനാണെന്ന് നിര്‍മാതാവ് കെ ഇ ജ്ഞാനവേൽ സൂചിപ്പിച്ചിട്ടുണ്ട്.
ആമസോൺ പ്രൈം വീഡിയോയാണ് ‘കങ്കുവ’യുടെ ഒടിടി റൈറ്റ്സ് നേടിയിരിക്കുന്നത്. ഒരു നടനെന്ന നിലയില്‍ ‘കങ്കുവ’ വലിയൊരു അനുഗ്രഹമാണെന്നും, ചിത്രീകരണത്തിന്റെ ഓരോ ദിവസവും മെച്ചപ്പെട്ട അനുഭവമായിരുന്നുവെന്നും സൂര്യ വ്യക്തമാക്കിയിരുന്നു. അറിയാത്ത ഒരു പ്രദേശത്ത് നടക്കുന്ന കഥയായതിനാല്‍ കങ്കുവ പ്രധാനപ്പെട്ടതാണെന്നും സൂര്യ വ്യക്തമാക്കിയിരുന്നു. 150 ദിവസത്തോളം നീണ്ടുനിന്ന ചിത്രീകരണമായിരുന്നു കങ്കുവയുടേത്. രാജ്യമൊട്ടാകെയുള്ള പ്രേക്ഷകര്‍ക്ക് ചിത്രം ഇഷ്ട്ടപ്പെടുമെന്ന് വിശ്വാസമുണ്ടെന്ന് താരം വ്യക്തമാക്കി.
