ലൂസിഫറിലെ “അബ്റാം ഖുറേഷിയായി” നടൻ ജയൻ ; എ ഐ വീഡിയോ വൈറൽ

എ.ഐ സാങ്കേതിക വിദ്യയുടെ വളർച്ച ഇന്ന് എല്ലാ മേഖലകളിലും വ്യാപിച്ചിരിക്കുകയാണ്. എ.ഐ സാങ്കേതിക വിദ്യയുടെ സഹായത്തോടെ ആളുകളുടെ രൂപങ്ങൾ മാറ്റുന്നതും മലയാളി നടന്‍മാരെ ഹോളിവുഡിലെത്തിക്കുന്നതുമെല്ലാം വൈറലാണ്. ഇപ്പോഴിതാ എവർഗ്രീൻ ഹീറോ ജയൻ ‘ലൂസിഫർ’ സിനിമയിൽ അബ്റാം ഖുറേഷിയായി എത്തിയാൽ എങ്ങനെയിരിക്കും ? അത്തരത്തിലൊരു എ ഐ വീഡിയോയാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്.

മള്‍ടിവേഴ്സ് മാട്രിക്സ് എന്ന പേജിലാണ് ജയന്റെ വീഡിയോ പങ്കുവച്ചിരിക്കുന്നത്. ‘ലൂസിഫർ’ സിനിമയുടെ ക്ലൈമാക്സിൽ അബ്റാം ഖുറേഷിയായി എത്തുന്ന മോഹൻലാലിനു പകരം ജയനെയാണ് വീഡിയോയിൽ കാണാൻ സാധിക്കുക. കൂടാതെ ഹോളിവുഡ് സൂപ്പർതാരം ടോം ക്രൂസിനെയും ജയനൊപ്പം വീഡിയോയിൽ കാണാം. അതേസമയം, ‘കോളിളക്കം 2’ എന്നാണ് വിഡിയോയ്ക്ക് നൽകിയിരിക്കുന്ന പേര്. വീഡിയോ വൈറലായതോടെ നിരവധി പേരാണ് കമന്റുമായി രംഗത്തെത്തിയിരിക്കുന്നത്.