ഓപ്പോയുടെ പുതിയ സീരിസ് നവംബര്‍ അവസാനത്തോടെ എത്തുമെന്ന് റിപ്പോര്‍ട്ട്. ഓപ്പോ റെനോ 13, ഓപ്പോ റെനോ 13 പ്രോ എന്നിവയാണ് പുറത്തിറങ്ങുന്ന പുതിയ സീരിസുകള്‍. നവംബറില്‍ ചൈനയിലാകും അവതരിപ്പിക്കുന്നത്. എന്നാല്‍ ഇന്ത്യയില്‍ ഇത് എപ്പോഴാണ് എത്തുന്നതെന്ന് വ്യക്തമല്ല. ഓപ്പോ റെനോ 13 പ്രോയില്‍ ഒരു ട്രിപ്പിള്‍ റിയര്‍ ക്യാമറയാണ് വരുന്നത്. അതില്‍ 50-മെഗാപിക്‌സല്‍ മെയിന്‍ സെന്‍സര്‍, അള്‍ട്രാ-വൈഡ് ലെന്‍സുള്ള സെക്കന്‍ഡറി 8-മെഗാപിക്‌സല്‍ സെന്‍സര്‍, ടെലി
ഫോട്ടോ ഷൂട്ടറുള്ള മറ്റൊരു 50-മെഗാപിക്‌സല്‍ സെന്‍സര്‍ എന്നിങ്ങനെ വിവിധ സവിശേഷതകള്‍ ഉണ്ട്. 50 മെഗാപിക്‌സലിന്റെ മുന്‍ ക്യാമറയും ഫോണിന് ലഭിക്കുമെന്ന് പറയപ്പെടുന്നു. മാത്രമല്ല ക്യാമറയ്ക്കുള്ളിലേയ്ക്ക് പൊടിയോ, വെള്ളമോ കയറാതിരിക്കാനുള്ള സംവിധാനവും ഉണ്ടാകുമെന്നാണ് കമ്പിനി അവകാശപ്പെടുന്നത്.
