പാര്‍ലമെൻ്റ് ശീതകാല സമ്മേളനം ആരംഭിക്കുന്നു
നവംബര്‍ 25 മുതല്‍ ഡിസംബര്‍ 20 വരെയാണ് സമ്മേളനം നടക്കുന്നത്
ന്യൂഡല്‍ഹി: ഇന്ത്യന്‍ പാര്‍ലമെന്റ് ശീതകാല സമ്മേളനം ആരംഭിക്കുന്നു. നവംബര്‍ 25 മുതല്‍ ഡിസംബര്‍ 20 വരെയാണ് സമ്മേളനം നടക്കുന്നത്. വഖഫ് ബില്‍, ഒരു രാജ്യം ഒരു തിരഞ്ഞെടുപ്പ് തുടങ്ങിയവയല്ലാം ഇതില്‍ ചര്‍ച്ചാ വിഷയമാകും. ഇന്ത്യന്‍ ഭരണഘടനയുടെ അംഗീകാരത്തിന്റെ 75-ാം വാര്‍ഷികത്തോടനുബന്ധിച്ച് നടക്കുന്ന പാര്‍ലമെന്റ് സമ്മേളനം എന്ന പ്രത്യേകതയുമുണ്ട് നടക്കാനിരിക്കുന്ന സമ്മേളനത്തിന്.
നാഷണല്‍ കോണ്‍ഫറന്‍സ്-കോണ്‍ഗ്രസ് സഖ്യത്തിന് പിന്നില്‍ ബിജെപി അവസാനിച്ച ജമ്മു കശ്മീരില്‍ ഒരു ദശാബ്ദത്തിനിടയിലെ ആദ്യത്തേത് ഉള്‍പ്പെടെ നാല് സംസ്ഥാന തിരഞ്ഞെടുപ്പുകള്‍ക്ക് ശേഷമുള്ള ആദ്യ പാര്‍ലമെന്റാണിത്. നവംബര്‍ 29നകം സമിതി പാര്‍ലമെന്റില്‍ റിപ്പോര്‍ട്ട് സമര്‍പ്പിക്കണം. പാര്‍ലമെന്റില്‍ വലിയ ചൂടു പിടിക്കുന്ന സമ്മേളനമാകും നടക്കുക എന്നത് നിശ്ചയമാണ്. കഴിഞ്ഞ പാര്‍ലമെന്റ് സമ്മേളനത്തില്‍ ധനമന്ത്രി നിര്‍മ്മല സീതാരാമന്‍ കേന്ദ്ര ബജറ്റ് അവതരിപ്പിക്കുകയും കേരളത്തിലെ വയനാട്ടിലുണ്ടായ ഉരുള്‍പൊട്ടല്‍ ഉള്‍പ്പെടെ വിവിധ വിഷയങ്ങള്‍ എംപിമാര്‍ ചര്‍ച്ച ചെയ്യുകയും ചെയ്തിരുന്നു.
