ന്യൂഡല്‍ഹി: വിവിധ രാഷ്ട്രീയ പാര്‍ട്ടികളുടെ ആവശ്യപ്രകാരം പഞ്ചാബ്, ഉത്തര്‍പ്രദേശ് എന്നിവിടങ്ങളിലെ 14 നിയമസഭാ മണ്ഡലങ്ങളിലെ ഉപതിരഞ്ഞെടുപ്പിനുള്ള പോളിംഗ് തീയതി മാറ്റി. ഉത്സവങ്ങളുടെ പശ്ചാത്തലത്തിലാണ് തിരഞ്ഞെടുപ്പ് മാറ്റിയത്. നേരത്തെ നവംബര്‍ 13 ന് നിശ്ചയിച്ചിരുന്ന പോളിംഗ് നവംബര്‍ 20ലേയ്ക്കാണ് മാറ്റിയത്. വോട്ടെണ്ണല്‍ നവംബര്‍ 23 ന് നടക്കും.
കല്‍പ്പാത്തി രസ്‌തോല്‍സവം (നവംബര്‍ 13-15), കാര്‍ത്തിക് പൂര്‍ണിമ (നവംബര്‍ 15), ശ്രീ ഗുരുനാനാക്ക് ദേവിന്റെ പ്രകാശ് പര്‍വ് (നവംബര്‍ 15) തുടങ്ങിയ ഉത്സവങ്ങളുടെ പശ്ചാത്തലത്തില്‍ വോട്ടെടുപ്പ് നടന്നാല്‍ അത് വോട്ടിങ് ശതമാനത്തെ പ്രതികൂലമായി ബാധിക്കുമെന്ന കാരണത്താലാണ് രാഷ്ട്രീയ പാര്‍ട്ടികള്‍ തീയതി മാറ്റാന്‍ ഇലക്ഷന്‍ കമ്മിറ്റിയോട് വ്യക്തമാക്കിയത്. ഉത്തര്‍ പ്രദേശിലെ ഒമ്പത് നിയമസഭാ മണ്ഡലങ്ങളും പഞ്ചാബില്‍ നാല് നിയമസഭാ മണ്ഡലങ്ങളുമാണ് ഉപതെരഞ്ഞെടുപ്പില്‍ വോട്ട് ചെയ്യുന്നത്. മഹാരാഷ്ട്രയിലെയും ജാര്‍ഖണ്ഡിലെയും നിയമസഭാ തെരഞ്ഞെടുപ്പുകള്‍ക്കൊപ്പം 15 സംസ്ഥാനങ്ങളിലായി ആകെ 48 നിയമസഭാ സീറ്റുകളിലേക്കും 2 പാര്‍ലമെന്റ് മണ്ഡലങ്ങളിലേക്കും ഈ ഉപതിരഞ്ഞെടുപ്പില്‍ വോട്ടെടുപ്പ് നടക്കും.
കേരളത്തിലെ പാലക്കാടും പഞ്ചാബിലെ ദേരാ ബാബ നാനാക്, ചബ്ബേവാള്‍, ഗിദ്ദര്‍ബാഹ, ബര്‍ണാല എന്നിവരും വരുന്ന ഉപതെരഞ്ഞെടുപ്പില്‍ വോട്ട് ചെയ്യും. മീരാപൂര്‍, കുന്ദര്‍ക്കി, ഗാസിയാബാദ്, ഖൈര്‍, കര്‍ഹല്‍, സിഷാമൗ, ഫുല്‍പൂര്‍, കഠേഹാരി, മജ്ഹവാന്‍ എന്നിവ ഉള്‍പ്പെടുന്ന നിയമസഭാ മണ്ഡലങ്ങളില്‍ ഉപതിരഞ്ഞെടുപ്പ് നടക്കാനിരിക്കുന്ന ഉത്തര്‍പ്രദേശില്‍ ഉള്‍പ്പെടുന്നു.
