ശ്രീനഗര്‍: ജമ്മുകാശ്മീരിലെ ഏറ്റുമുട്ടലിൽ 3 തീവ്രവാദികളെ സുരക്ഷാസേന വധിച്ചു. ജമ്മുകശ്മീരിലെ അനന്ത്നാഗ്, ഖന്യാര്‍ എന്നിവിടങ്ങളിലുണ്ടായ ഏറ്റുമുട്ടലിലാണ് 3 തീവ്രവാദികളുമായി സുരക്ഷസേന ഏറ്റുമുട്ടയത്. സംഭവത്തില്‍ നാല് പോലീസുകാര്‍ക്ക് പരിക്കേറ്റു.
ബുധ്ഗാം ജില്ലയില്‍ വെള്ളിയാഴ്ച രണ്ട് കുടിയേറ്റ തൊഴിലാളികള്‍ക്ക് നേരെയുണ്ടായ ഭീകരാക്രമണത്തെ തുടര്‍ന്നാണ് സൈന്യം ആന്റി ടെററിസ്റ്റ് ഓപ്പറേഷന്‍ നടത്തിയത്. ജമ്മു കശ്മീരിലെ ബന്ദിപ്പോര മേഖലയില്‍ സൈന്യം തിരച്ചില്‍ ആരംഭിച്ചിട്ടുമുണ്ട്.
ഇതിനിടെ അനന്ത്നാഗിലെ ഹല്‍ക്കാന്‍ ഗാലിയില്‍ സൈന്യം നടത്തിയ ആന്റി ടെററിസ്റ്റ് ഓപ്പറേഷനില്‍ രണ്ട് തീവ്രവാദികളെ വധിച്ചു. കഴിഞ്ഞ രണ്ടാഴ്ചയ്ക്കിടെ കശ്മീര്‍ താഴ്‌വരയില്‍ കുടിയേറ്റക്കാര്‍ക്ക് നേരെ നടക്കുന്ന നാലാമത്തെ ആക്രമണമാണിത്.
