തിരുവനന്തപുരം: തൃശൂര്‍ പൂരം കലക്കലുമായി ബന്ധപ്പെട്ട് അന്വേഷണം നേരിടുന്ന എഡിജിപി എംആര്‍ അജിത്ത് കുമാറിന് പൊലീസ് മെഡല്‍. നാളെയാണ് മുഖ്യമന്ത്രി മെഡല്‍ ദാനം ചെയ്യുന്നത്. എന്നാല്‍ തല്‍ക്കാലത്തേയ്ക്ക് ഈ മെഡല്‍ എഡിജിപിക്ക് നല്‍കേണ്ടായെന്നാണ് ഡിജിപി പറയുന്നത്. ഇത് സംബന്ധിച്ച് ഡിജിപി മുഖ്യമന്ത്രിക്ക് കത്ത് അയച്ചിരുന്നു.
അന്വേഷണം നേരിടുന്ന ഉദ്യോഗസ്ഥന് പൊതുവെ മെഡല്‍ പ്രഖ്യാപിച്ചാലും മെഡല്‍ നല്‍കാറില്ല. എഡിജിപിക്കെതിരെ നിലവില്‍ അന്വേഷണവും നടക്കുന്നുണ്ട്. ഈ സാഹചര്യത്തിലാണ് മെഡല്‍ ഇപ്പോള്‍ നല്‍കേണ്ടതില്ലെന്ന് ഡിജിപി നിലപാട് വ്യക്തമാക്കി യത്.
