ഷറഫുദീൻ, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രനീഷ് വിജയൻ സംവിധാനം ചെയ്യുന്ന പുതിയ ചിത്രം പ്രഖ്യാപിച്ചു. “പെറ്റ് ഡിറ്റെക്റ്റീവ്” എന്ന് പേരിട്ടിരിക്കുന്ന ചിത്രത്തിലൂടെ നിർമാതാവായി കൂടി അരങ്ങേറ്റം കുറിയ്ക്കുകയാണ് ഷറഫുദീൻ. ഷറഫുദീൻ പ്രൊഡക്‌ഷൻസിന്റെ ബാനറിൽ ഷറഫുദീൻ നിർമിക്കുന്ന ചിത്രത്തിന്റെ തിരക്കഥ ഒരുക്കുന്നത് പ്രനീഷ് വിജയനും ജയ് വിഷ്ണുവും ചേർന്നാണ്.
ചിത്രത്തിന്റെ ഫസ്റ്റ് ലുക്ക്‌ പോസ്റ്ററിനു പിന്നാലെ സെക്കന്റ്‌ ലുക്ക്‌ പോസ്റ്ററും അണിയറ പ്രവർത്തകർ പുറത്തുവിട്ടിരിക്കുകയാണ്. ഷറഫുദീനും അനുപമയോടുമൊപ്പം മക്കാവ് തത്തയെയും പോസ്റ്ററിൽ കാണാം. കമേഴ്സ്യൽ എന്റെർറ്റൈനർ സിനിമയാകും പെറ്റ് ഡീറ്റെക്റ്റീവ് എന്നാണ് പോസ്റ്ററുകൾ സൂചിപ്പിക്കുന്നത്.
ആനന്ദ് സി ചന്ദ്രനാണ് ഛായാഗ്രഹണം നിർവഹിക്കുന്നത്. മുകുന്ദനുണ്ണി അസോസിയേറ്റ്സ് എന്ന ചിത്രത്തിലൂടെ സംവിധായകൻ എന്ന നിലയിലും ഖ്യാതി നേടിയ അഭിനവ് സുന്ദർ നായ്കാണ് എഡിറ്റിങ് നിർവഹിക്കുന്നത്. പ്രൊഡക്ഷൻ ഡിസൈനെർ – ദീനോ ശങ്കർ, ഓഡിയോഗ്രാഫി – വിഷ്ണു ശങ്കർ, എക്സിക്യൂട്ടീവ് പ്രൊഡ്യൂസർ – ജയ് വിഷ്ണു, കോസ്റ്റും ഡിസൈനെർ – ഗായത്രി കിഷോർ, മേക്ക് അപ് – റോണക്സ് സേവ്യർ, ചീഫ് അസോസിയേറ്റ് ഡയറെക്ടർ – രാജേഷ് അടൂർ, പ്രൊഡക്ഷൻ കൺട്രോളർ – പ്രണവ് മോഹൻ, സ്റ്റിൽസ് -രോഹിത് കെ സുരേഷ്, പി ആർ ഒ ആൻഡ് മാർക്കറ്റിംഗ് – വൈശാഖ് വടക്കേവീട്, ജിനു അനിൽകുമാർ.
