എ.ഐ സാങ്കേതിക വിദ്യയുടെ വളർച്ച ഇന്ന് എല്ലാ മേഖലകളിലും വ്യാപിച്ചിരിക്കുകയാണ്. എ.ഐ സാങ്കേതിക വിദ്യയുടെ സഹായത്തോടെ ആളുകളുടെ രൂപങ്ങൾ മാറ്റുന്നതും മലയാളി നടന്‍മാരെ ഹോളിവുഡിലെത്തിക്കുന്നതുമെല്ലാം വൈറലാണ്. അത്തരത്തിൽ മലയാളികളുടെ സ്വന്തം മോഹൻലാൽ ബോളിവുഡിൽ അഭിനയിച്ചാൽ എങ്ങനെയിരിക്കും ? മോഹന്‍ലാല്‍ ഹോളിവുഡ് ക്ലാസിക്ക് സിനിമകളില്‍ നായകനായെത്തുന്ന എ.ഐ വീഡിയോയാണ് ഇപ്പോള്‍ വൈറലാകുന്നത്.
ഗോഡ്ഫാദര്‍, റോക്കി, ടൈറ്റാനിക്ക്, ടോപ് ഗണ്‍, ഇന്ത്യാന ജോണ്‍സ്, മാട്രിക്‌സ്, സ്റ്റാര്‍ വാര്‍സ്, ജെയിംസ് ബോണ്ട് തുടങ്ങിയ ക്ലാസിക്ക് സിനിമകളിലെ കഥാപാത്രങ്ങള്‍ക്കാണ് എ.ഐ സാങ്കേതിക വിദ്യ ഉപയോഗിച്ച് വിന്റേജ് ലാലേട്ടന്റെ മുഖം നല്‍കിയിരിക്കുന്നത്. എഐ.മാജിന്‍ എന്ന ഇന്‍സ്റ്റഗ്രാം ഹാന്‍ഡിലിലൂടെയാണ് ഈ ചിത്രങ്ങളും വീഡിയോകളും പങ്കുവച്ചിരിക്കുന്നത്. ചിത്രങ്ങളും വീഡിയോകളും വൈറലായതോടെ നിരവധി പേർ ഇവ പങ്കുവയ്ക്കുന്നുമുണ്ട്. ലാലേട്ടന്‍ അങ്ങ് ഹോളിവുഡില്‍ ജനിച്ചെങ്കില്‍ എന്നാണ് ഒരാൾ ലാലേട്ടന്റെ ചിത്രം പങ്കുവച്ചുകൊണ്ട് കുറിച്ചിരിക്കുന്നത്.
