എറണാകുളം; കൊച്ചിയില്‍ ഓടിക്കൊണ്ടിരുന്ന ബസിന് തീപിടിച്ച് പൂര്‍ണ്ണമായും കത്തിനശിച്ചു. കെഎസ്ആര്‍ടിസി എസി ലോഫ്‌ലോര്‍ ബസാണ് കത്തിയത്. എറണാകുളം ചിറ്റൂരിനടുത്ത് ഇയ്യാട്ടുമുക്ക് ജംക്ഷനില്‍ ഇന്ന് മൂന്നു മണിയോടെയാണ് സംഭവം. എറണാകുളത്തുനിന്നു തൊടുപുഴയിലേക്ക് പോവുകയായിരുന്നു ബസാണ് കത്തിയത്.
സാങ്കേതിക തകരാറാണ് തീപിടിത്തത്തിനു കാരണമെന്നാണ് പ്രാഥമിക നിഗമനം. ബസിലെ യാത്രക്കാരെല്ലാം സുരക്ഷിതരാണ്. അഗ്‌നിശമന സേനയെത്തി തീയണച്ചു. വിശദമായ പരിശോധന നടത്തി വരികയാണ്.
