നിയമസഭ ജീവനക്കാർക്ക് ഓവർടൈം അലവൻസ് അനുവദിച്ചു കെ.എൻ. ബാലഗോപാൽ. ഒമ്പതാം സമ്മേളനവുമായി ബന്ധപ്പെട്ട ഓവർടൈം അലവൻസായി 1.05 കോടിയാണ് അനുവദിച്ചത്.
ട്രഷറി നിയന്ത്രണത്തിൽ ഇളവ് വരുത്തി അധിക ഫണ്ടായാണ് തുക അനുവദിച്ചത്. പത്ത്, പതിനൊന്ന് , പന്ത്രണ്ട് സമ്മേളനങ്ങളിലെ ഓവർടൈം അലവൻസ് കുടിശികയാണ്.
നിയമസഭ സമ്മേളനം കഴിഞ്ഞ ഉടനെ ഓവർ ടൈം അലവൻസ് അനുവദിക്കുന്നതാണ് പതിവ്. സാമ്പത്തിക പ്രതിസന്ധി മൂലമാണ് ഓവർടൈം അലവൻസ് വൈകിയതെന്നാണ് ധനവകുപ്പിൽ നിന്ന് ലഭിക്കുന്ന വിവരം.
