എറണാകുളം : പ്രണവ് മോഹൻ ലാലിനെ വിവാഹം കഴിക്കണം, നടൻ മോഹൻ ലാലിന്റെ മരുമകളാവണം. ആഗ്രഹം തുറന്ന് പറഞ്ഞ് നടി ഗായത്രി സുരേഷ്. നേരത്തെയും പല തവണ ഈ ആഗ്രഹം പറഞ്ഞിട്ടുണ്ട്. അന്നൊക്കെ സോഷ്യൽ മീഡിയയിൽ സജീവ ചർച്ചാ വിഷയമായിരുന്നു ഈ പ്രതികരണം. ഇപ്പോഴിതാ നടി തൻെ ആഗ്രഹത്തിൽ മാറ്റമൊന്നുമുണ്ടായിട്ടില്ല എന്ന് വ്യക്തമാക്കുകയാണ് നടി. ഒരു സ്വകാര്യ ചാനലിന് നൽകിയ അഭിമുഖത്തിലാണ് നടി ഇക്കാര്യം പറഞ്ഞത്.
നടൻ മോഹൻലാലിന്റെ കുടുംബത്തിലെ അന്തരീക്ഷം തനിക്ക് വളരെ വലിയ ഇഷ്ടമാണെന്നും താൻ ആഗ്രഹിക്കുന്നത് പോലൊരു കുടുംബം ആണ് ലാലേട്ടന്റേതെന്നും നടി പറഞ്ഞു. ഈ അടുത്തിടെ അദ്ദേഹം അദ്ദേഹത്തിന്റെ അമ്മയുടെ പിറന്നാൾ ആഘോഷിക്കുന്ന വീഡിയോ താൻ കണ്ടിരുന്നു. അത് കണ്ടപ്പോൾ തനിക്ക് വളരെ വലിയ സന്തോഷം തോന്നിയെന്നും താരം കൂട്ടിച്ചേർത്തു. എനിക്ക് പങ്കാളിയ്‌ക്കൊപ്പം ജീവിതം പങ്കിടാനും സമയം ചിലവഴിക്കാനുമെല്ലാം ഇഷ്ടമാണ്. എന്നാൽ ലോകം മുഴുവൻ നിങ്ങളാണ് എന്ന സങ്കൽപ്പത്തോട് ഒട്ടും യോജിക്കാൻ കഴിയില്ല. എല്ലാം അനുസരിച്ച് എല്ലാ അഭിപ്രായങ്ങളും കേട്ട് ജീവിക്കുക ബദ്ധിമുട്ടാണ്.
ഞാൻ പറയുന്നത് ഉൾക്കൊള്ളാൻ കഴിയുന്ന ആളായിരിക്കണം ജീവിതത്തിലേക്ക് കടന്ന് വരേണ്ടത്. കല്യാണത്തെക്കുറിച്ച് ചിന്തിയ്ക്കുന്നില്ല. വീട്ടിൽ നിന്നും കല്യാണത്തെക്കുറിച്ച് ചോദിക്കാറുണ്ട്. തന്റെ സങ്കൽപ്പത്തിലുള്ള ആളെ കാണുന്നതുവരെ താൻ കാത്തിരിക്കും. വിവാഹമെല്ലാം അപ്പോൾ മതി. പ്രണയിച്ച് വിവാഹം കഴിക്കാനാണ് ഇഷ്ടം. തന്നെ സഹിക്കാൻ എല്ലാവരെ കൊണ്ടും കഴിഞ്ഞെന്ന് വരില്ല. ഞാനൊരു ടെററർ ക്യാരക്ടർ ആണെന്നും ഗായത്രി പറഞ്ഞു.
