നാസിക്: വെടിവെയ്പ്പ് പരിശീലനം ചെയ്യുന്നതിനിടെ ഗണ്‍ ഷെല്‍ പൊട്ടിത്തെറിച്ച് രണ്ട് പട്ടാളക്കാര്‍ ദാരുണമായി മരണപ്പെട്ടു. നാസിക്കിലെ ആര്‍ട്ടിലറി സെന്ററില്‍ വെടിവയ്പ്പ് പരിശീലനം നടക്കുമ്പോഴാണ് ഈ ദാരുണ സംഭവം ഉണ്ടായത്. പട്ടാളക്കാരുടെ ഒരു സംഘം ഇന്ത്യന്‍ ഫീല്‍ഡ് ഗണ്ണില്‍ നിന്ന് വെടിയുതിര്‍ക്കുകയായിരുന്നു. അപ്പോള്‍ ഷെല്ലുകളിലൊന്ന് പൊട്ടിത്തെറിക്കുകയും സമീപത്ത് നിന്ന രണ്ട് പട്ടാളകാര്‍ക്ക് ഗുരുതരമായി പരിക്കേല്‍ക്കുകയും ചെയ്തിരുന്നു.
ഉടന്‍ തന്നെ ഇവരെ ഡിയോലാലിയിലെ എംഎച്ച് ഹോസ്പിറ്റലിലേക്ക് കൊണ്ടുപോവുകയും ചികിത്സ നല്‍കുകയും ചെയ്തുവെങ്കിലും അവിടെ വെച്ച് അവര്‍ മരിച്ചതായി അധികൃതര്‍ വ്യക്തമാക്കി. ഹവില്‍ദാര്‍ അജിത് കുമാറിന്റെ പരാതിയുടെ അടിസ്ഥാനത്തില്‍ ഡിയോലാലി ക്യാമ്പ് പോലീസ് അസ്വാഭാവിക മരണത്തിന് കേസ് രജിസ്റ്റര്‍ ചെയ്തിട്ടുണ്ട്. അന്വേഷണം പുരോഗമിക്കുകയാണ്.
