പ്രമേഹം കണ്ണിലെ പല ഭാഗങ്ങളെ ബാധിക്കും. അതിനാൽ പലതരം ലക്ഷണങ്ങൾ കാണാറുണ്ട്.
കൺപോള
ആവർത്തിച്ച് വരുന്ന കൺകുരു: പ്രമേഹം ഉള്ളവർക്ക് അണുബാധക്ക് സാധ്യത കൂടുതലാണ്. പ്രതേകിച്ചും പ്രമേഹം നിയന്ത്രണത്തിലല്ലെങ്കിൽ. കൺപോളകളുടെ അരുകിൽ വേദനയും വീക്കവും ആണ് കൺകുരുവിന്റെ ആദ്യ ലക്ഷണം.
സാന്തേലാസ്മ (xanthelasma) കൺപോളകളുടെ അകത്തെ കോണുകളിൽ കാണപ്പെടുന്ന മഞ്ഞപാടുകളാണിത്. ഇത് കൊളസ്ട്രോൾ നിക്ഷേപമാണ്.
കൺജക്ടീവ
പ്രമേഹം കണ്ണുനീരിന്റെ ചലനം നഷ്ടപ്പെടുത്തുകയും കണ്ണുകൾ വരണ്ടതാക്കുകയും ചെയ്യും. ഇതിൻ്റെ ലക്ഷണങ്ങൾ ചുവപ്പ്, ചൊറിച്ചിൽ, തടച്ചിൽ എന്നിവയാണ്. പ്രേമഹ രോഗികളിൽ ബാക്ടീരിയൽ കൺജക്റ്റിവിറ്റീസിന് സാധ്യത കൂടുതലാണ്.
കോർണിയ
പ്രമേഹം കാരണം കണ്ണിലെ ഞരമ്പിന് സംവേദന ക്ഷമത കുറയുന്നു. അത് കാരണം കോർണിയുടെ കാര്യക്ഷമത കുറയുവാനും സ്ഥിരമായ എപ്പിത്തിലയൽ വൈകല്യത്തിന് സാധ്യത കൂടുതലാണ്. ഇതിന്റെ ലക്ഷണങ്ങൾ അസഹനീയമായ വേദനയും വെളിച്ചത്തിലേക്ക് നോക്കുമ്പോൾ ബുദ്ധിമുട്ടുമാണ്. ശരിയായ സമയത്ത് ചികിത്സച്ചില്ലെങ്കിൽ കോർണിയയിൽ അൾസറും അതുമുലം കാഴ്ച്ച പൂർണമായും നാഷപ്പെടുവാൻ കാരണമാകുന്നു. പ്രേമേഹ രോഗികൾ കോൺടാക്റ്റ് ലൻസ് വെക്കുമ്പോൾ കൂടുതൽ ശ്രദ്ധിക്കേണ്ടത് അത്യാവശ്യമാണ്.
ലൻസ്
കണ്ണിന്റെ പവറിന്റെ വ്യതിയാനം: കണ്ണിലെ സ്വഭാവിക ലൻസിൽ ഡോർബിറ്റോൾ അടിഞ്ഞുകൂടുന്നതിന്റെ ഭാഗമായി കണ്ണിന്റെ ലൻസിന് വീക്കം സംഭവിക്കുകയും തൽഫലമായി റിഫ്രാക്‌ടീവ് പവറിന് മാറ്റം സംഭവിക്കുകയും ചെയ്യുന്നു. ബ്ലഡ് ഷുഗറിൻ്റെ അളവ് കൂടുമ്പോൾ അത് ദീർഘദൃഷ്ടിക്കും അളവ് കുറയുമ്പോൾ ഹ്യസ്വദഷ്‌ടിക്കും കാരണമാകുന്നു. അതിനാൽ പ്രമേഹ രോഗികൾ അവരുടെ ബ്ലഡ് ഷുഗർ ലവൽ നിയന്ത്രണ വിധേയമാണെന്ന് കാഴ്‌ച പരിശോധനക്ക് മുന്നോടിയായി ഉറപ്പ് വരുത്തണം.
തിമിരം
പ്രമേഹ രോഗികൾക്ക് ചെറുപ്രായത്തിലെ തിമിരം വരുവാനും അത് കൂടുവാനും സാധ്യത കൂടുതലാണ്. ഇതിൻ്റെ പ്രാരംഭ ലക്ഷണങ്ങൾ കാഴ്‌ചക്കുറവ്, പ്രകാശത്തിലേക്ക് നോക്കുമ്പോൾ ചിന്നിചിതറിയതുപോലെ അനുഭവപ്പെടുകയുമാണ്.
ഗ്ലോക്കോമ
പ്രമേഹം ഇല്ലാത്തവരേക്കാൾ പ്രമേഹ രോഗികളിലാണ് കൂടുതലായും ഗ്ലോക്കോമ കണ്ടുവരുന്നത്. രണ്ട് തരത്തിലുള്ള ഗ്ലോക്കോമയാണ് പ്രമേഹ രോഗികളിൽ സാധാരണയായി കണ്ടുവരുന്നത്.
- ഓപ്പൺ ആങ്കിൾ ഗ്ലോക്കോമ
പ്രാരംഭ ഘട്ടത്തിൽ ഒരു ലക്ഷണവും കാണിക്കാതിരിക്കുകയും എന്നാൽ പിന്നീട് ക്രമേണ പൂർണ്ണമായ അന്ധതക്ക് കാരണമാവുകയും ചെയ്യും. നിശ്ചിത സമയത്തുള്ള നേത്ര പരിശോധനയിലൂടെ നിങ്ങളുടെ നേത്രരോഗ വിദഗ്ദന് കണ്ടുപിടിക്കാൻ സാധിക്കും. നിയോ വാസ്ക്കുലാർ ഗ്ലോക്കോമ ഇതിന്റെ ലക്ഷണങ്ങൾ തലവേദന, കണ്ണുവേദന, കണ്ണിൽകൂടി വെള്ളം വരുക. മങ്ങിയ കാഴ്ച്ച കൂടാതെ കാഴ്ച്ച നഷ്‌ടപ്പെടുക എന്നതാണ്.
- ഡയബറ്റിക് റെറ്റിനോപതി
നമ്മുടെ കണ്ണുകളുടെ സുപ്രധാന രോഗങ്ങളിലൊന്നാണ് ഡയബറ്റിക് റെറ്റിനോപതി. രോഗത്തിൻ്റെ ആരംഭഘട്ടത്തിൽ പലപ്പോഴും രോഗികൾക്ക് യാതൊരുവിധത്തിലുള്ള രോഗലക്ഷണങ്ങളും ഉണ്ടാകാറില്ല. രോഗി പോലും അറിയാതെ വളരെ സാവധാനത്തിൽ കാഴ്ച്ച ശക്തി നഷ്‌ടപ്പെട്ടുകൊ ണ്ടിരിക്കുന്ന അവസ്ഥയാണ് ഇത്. സമൂഹത്തിൽ ഏത് തരം ജോലിയിൽ ഏർപ്പെട്ടിരിക്കുന്നവർക്കും ഈ അസുഖം കണ്ടുവരുന്നു. ഡയബറ്റിക് റെറ്റിനോപതിയെ മൂന്ന് ഘട്ടങ്ങളായി തരം തിരിച്ചിരിക്കുന്നു.
1 ) മൈൽഡ് നോൺ പ്രൊലിഫെറെറ്റീവ് റെറ്റിനോപ്പതി ഈ ഘട്ടത്തിൽ റെറ്റിനെയുടെ രക്തക്കുഴലുകൾ ചെറിയ കുമിളകൾപോലെ വീർത്ത് വരുന്ന അവസ്ഥ ഉണ്ടാകുന്നു.
2 ) മോഡറേറ്റ് നോൺ പ്രൊലിഫെറേറ്റീവ് റെറ്റിനോപ്പതി ഈ ഘട്ടത്തിൽ രോഗം അൽപം മൂർജ്ജിച്ചുകൊണ്ടിരിക്കും. ഈ സമയത്ത് കുറച്ച് രക്തക്കുഴലുകൾ പുഷ്‌ടി പ്രാപിച്ച് രക്തക്കുഴലുകൾ അടയുന്നു.
3 ) സിവിയർ നോൺ പ്രൊലിഫെറേറ്റീവ് റെറ്റിനോപ്പതി ഈ ഘട്ടത്തിൽ റെറ്റിനയിലേക്കുള്ള മിക്ക രക്തക്കുഴലുകളും തടസ്സപ്പെടുന്നു. ഇത് മൂലം പുതിയ രക്തധമനികളെ വളർത്തുതിനായി റെറ്റിനയിൽനിന്ന് ശരീരത്തിന് സൂചന നൽകുന്നു.
പ്രൊലിഫെറേറ്റീവ് റെറ്റിനോപ്പതി
ഡയബറ്റിക് റെറ്റിനോപതിയുടെ ഏറ്റവും ഗുരുതരമായ അവസ്ഥയാണിത്. റെറ്റിനയിൽനിന്ന് മുൻ അവസ്ഥയിൽ നിർദ്ദേശിച്ചതിന്റെ അടിസ്ഥാനത്തിലുള്ള രക്തക്കുഴലുകൾ വളർന്ന് വരുന്നു. ഈ പുതിയ രക്തക്കുഴലുകൾ ക്രമവിരുദ്ധവും ദുർബലവുമായിരിക്കും. ഇവ റെറ്റിനയുടെ മേൽ വളർന്ന് മാത്രമല്ല നേത്രാന്തര പടലത്തിനും കൃഷ്ണമണിക്കും ഇടയിലുള്ള അർദ്ധഖര ഭാഗത്തും വളർന്നു വരുന്നു.
റെറ്റിനൽ വെയിൻ ഒക്ലൂഷൻ
പെട്ടെന്നുള്ള കാഴ്ച്ച ശക്തി നഷ്ടപ്പെടുന്നതും വേദനാരഹിതമായ പൊങ്ങിക്കിടക്കുന്ന പാടുകളുടെ പെട്ടെന്നുള്ള ആക്രമണവുമാണ് സിര തടസ്സത്തിന്റെ ലക്ഷണങ്ങൾ.
ഒപ്റ്റിക് നെർവ് (schemic Optic Neuropathy)
കാഴ്ച്‌ചയുടെ മണ്ഡലത്തിൻ്റെ പെട്ടെന്നുള്ള നഷ്‌ടംമുകളിലെ പകുതി അല്ലെങ്കിൽ താഴത്തെ പകുതി എന്നിങ്ങനെയാണ് ലക്ഷണങ്ങൾ.
എക്സ്‌ട്രാ ഓക്കുലാർ മസിൽസ്
കണ്ണ് ചലിപ്പിക്കുന്ന പേശികളെ നിയന്ത്രിക്കുന്ന ഞരമ്പുകളെ പ്രമേഹം ബാധിക്കുകയും അതിനാൽ ഈ പേശികളെ തളർത്തുകയും ചെയ്യുന്നു. ഇതിൻ്റെ ലക്ഷണങ്ങൾ പെട്ടെന്നുള്ള ഇരട്ടകാഴ്ച്ചയും പടികയറാനുള്ള ബുദ്ധിമുട്ടും. ഇത്തരത്തി അവയുടെ പക്ഷാഘാതം വീണ്ടെടുക്കാൻ ഒന്നു മുതൽ മൂന്ന് മാസം വരെ എടുക്കും.
