മുംബൈ: മഹാരാഷ്ട്രയിൽ നിയമസഭാ തെരഞ്ഞെടുപ്പ് നടക്കാനിരിക്കേ ബിജെപിക്ക് തിരിച്ചടി. മുൻ മന്ത്രി ഹര്‍ഷവര്‍ധന്‍ പാട്ടീല്‍ ശരദ് പവാര്‍ വിഭാഗത്തിൽ ചേർന്ന് പ്രവർത്തിക്കാൻ തീരുമാനിച്ചതയാണ് പുറത്തുവരുന്ന റിപ്പോർട്ട്. ഇത് വരുന്ന തിരഞ്ഞെടുപ്പിൽ ബിജെപിക്ക് തിരിച്ചടിയാകുമെന്നാണ് വിലയിരുത്തൽ.
ഇന്ദാപൂര്‍ മണ്ഡലത്തില്‍ നിന്ന് പാര്‍ട്ടി സ്ഥാനാര്‍ഥിയായി മത്സരിക്കാന്‍ ശരദ് പവാര്‍ ആവശ്യപ്പെട്ടതായും അദ്ദേഹം പറഞ്ഞു. ഹര്‍ഷവര്‍ധന്‍ പാട്ടീല്‍ തന്നെ അനുകൂലിക്കുന്നവരുമായി ചര്‍ച്ച നടത്തിയ ശേഷമാണ് ഈ തീരുമാനമെന്ന് അദ്ദേഹം വ്യക്തമാക്കി.
നിലവില്‍ ബിജെപി സഖ്യകക്ഷിയായ എന്‍സിപിയാണ് ഈ സീറ്റിനെ പ്രതിനിധീകരിക്കുന്നത്. ഇന്ദാപൂർ മണ്ഡലത്തിൽ നിന്ന് നേരത്തെ നാലുതവണ ഹര്‍ഷവര്‍ധന്‍ പാട്ടീല്‍ നിയമസഭയിലേക്ക് തെരഞ്ഞെടുക്കപ്പെട്ടിട്ടുണ്ട്.
