ന്യൂഡല്‍ഹി: ബാപ്പുജിയുടെ ജന്മവാര്‍ഷികത്തില്‍ അദ്ദേഹത്തിന് പ്രധാനമന്ത്രി നരേന്ദ്രമോദി ആദരാഞ്ജലികള്‍ അര്‍പ്പിച്ചു. ആദരണീയനായ ബാപ്പുവിന്റെ ജീവിതവും സത്യത്തിലും ഐക്യത്തിലും സമത്വത്തിലും അധിഷ്ഠിതമായ ആദര്‍ശങ്ങളും രാജ്യത്തെ ജനങ്ങള്‍ക്ക് എന്നും പ്രചോദനമായിരിക്കുമെന്ന് എക്സിലെ ഒരു പോസ്റ്റില്‍ പ്രധാനമന്ത്രി മോദി കുറിച്ചു.
രാഷ്ട്ര പിതാവായി വാഴ്ത്തപ്പെടുന്ന മഹാത്മാഗാന്ധി സത്യത്തിന്റെയും അഹിംസയുടെയും തത്ത്വങ്ങള്‍ അചഞ്ചലമായി പിന്തുടര്‍ന്നു, ലോകമെമ്പാടുമുള്ള രാഷ്ട്രീയക്കാരെയും പ്രവര്‍ത്തകരെയും തലമുറകളെ പ്രചോദിപ്പിച്ചു. ഈ ദിവസം ജനിച്ച ഇന്ത്യയുടെ രണ്ടാമത്തെ പ്രധാനമന്ത്രിയായ ലാല്‍ ബഹദൂര്‍ ശാസ്ത്രിക്കും പ്രധാനമന്ത്രി മോദി ആദരാഞ്ജലി അര്‍പ്പിച്ചു.
രാജ്യത്തിന്റെ സൈനികര്‍ക്കും കര്‍ഷകര്‍ക്കും അഭിമാനത്തിനുമായി അദ്ദേഹം തന്റെ ജീവിതം സമര്‍പ്പിച്ചു, ‘ജയ് ജവാന്‍, ജയ് കിസാന്‍’ എന്ന മുദ്രാവാക്യം ഉയര്‍ത്തിയ ശാസ്ത്രിയെ കുറിച്ച് മോദി പറഞ്ഞു, അദ്ദേഹത്തിന്റെ ലാളിത്യവും സത്യസന്ധതയും അദ്ദേഹത്തിന് വലിയ ബഹുമാനം നേടിക്കൊടുത്തുവെന്നും അദ്ദേഹം വ്യക്തമാക്കി.
