വേഗം വിട്ടോ, വിൻഡ്‌സർ വാങ്ങിച്ചോ; ആദ്യം സ്വന്തമാക്കുന്ന ആൾക്ക് ആജീവനാന്ത ബാറ്ററി

കഴിഞ്ഞ ദിവസമാണ് തങ്ങളുടെ മൂന്നാമത്തെ ഇവിയായ വിൻഡ്‌സർ ഇന്ത്യൻ വിപണിയിൽ എംജി അവതരിപ്പിച്ചത്. ബാറ്ററി പാക്ക് ഉൾപ്പെടെ മൂന്ന് വേരിയൻ്റുകളുടെയും വില കാർ നിർമ്മാതാവ് ഇപ്പോൾ പ്രഖ്യാപിച്ചിരിക്കുകയാണ്. എക്‌സൈറ്റ്, എക്‌സ്‌ക്ലൂസീവ്, എസെൻസ് എന്നീ വേരിയൻ്റുകളിൽ എംജി വിൻഡ്‌സർ ഇവി ലഭ്യമാണ്. നിങ്ങൾ ബാറ്ററി-ആസ്-എ-സർവീസ് (BaaS) പ്രോഗ്രാം ഒഴിവാക്കുകയാണെങ്കിൽ, വിൻഡ്‌സർ EV-യുടെ അടിസ്ഥാന വേരിയൻ്റിന് 13,49,800 രൂപ (എക്സ്-ഷോറൂം) വിലവരും.

എക്‌സ്‌ക്ലൂസീവ് ട്രിമ്മിന് 14,49,800 രൂപയാണ് വില. അതേസമയം ടോപ്പ്-സ്പെക്ക് എസെൻസ് ട്രിം 15,49,800 രൂപയും. 3 വർഷം / 45,000 കിലോമീറ്ററിന് ശേഷം ഉറപ്പായ 60% ബൈബാക്കും ആദ്യ ഉടമയ്‌ക്ക് ആജീവനാന്ത ബാറ്ററി വാറൻ്റിയും MG വാഗ്ദാനം ചെയ്യുന്നു. വിൻഡ്‌സർ ഇവിക്ക് 15.6 ഇഞ്ച് ഗ്രാൻഡ്‌വ്യൂ ടച്ച് ഡിസ്‌പ്ലേ ലഭിക്കുന്നു.-സെഗ്‌മെൻ്റിലെ ഏറ്റവും വലിയ ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റവും പിന്നിൽ 135 ഡിഗ്രി വരെ ചാരിയിരിക്കുന്ന എയ്‌റോ-ലോഞ്ച് സീറ്റുകളും.

ഡിജിറ്റൽ ഇൻസ്ട്രുമെൻ്റ് ക്ലസ്റ്ററോട് കൂടിയ 2-സ്‌പോക്ക് സ്റ്റിയറിംഗ് വീൽ, ഇൻഫിനിറ്റി വ്യൂ ഗ്ലാസ് റൂഫ്, പവർഡ് ടെയിൽഗേറ്റ്, പവർ അഡ്ജസ്റ്റ് ചെയ്യാവുന്ന ഫ്രണ്ട് സീറ്റുകൾ, വയർലെസ് ഫോൺ ചാർജർ, കണക്‌റ്റഡ് കാർ ടെക്‌നോളജി എന്നിവയാണ് മറ്റ് സവിശേഷതകൾ. 332 കിലോമീറ്റർ റേഞ്ച് നൽകുമെന്ന് പറയപ്പെടുന്ന 38 kWh ബാറ്ററിയാണ് വിൻഡ്‌സർ ഇവിക്ക് കമ്പനി നൽകിയിരിക്കുന്നത്. ഇത് 134 ബിഎച്ച്പിയും 200 എൻഎം ഔട്ട് പുട്ട് ഉള്ള ഒരു ഇലക്ട്രിക് മോട്ടറിന് കരുത്ത് പകരുന്നു. ഇക്കോ+, ഇക്കോ, നോർമൽ, സ്‌പോർട്ട് എന്നിങ്ങനെ നാല് ഡ്രൈവിംഗ് മോഡുകളാണ് കാറിനുള്ളത്. ബാറ്ററി പാക്ക് ചാർജ് ചെയ്യാൻ 40 മിനിറ്റ് എടുക്കുന്ന ഡിസി ഫാസ്റ്റ് ചാർജിംഗിനെയും ഇത് പിന്തുണയ്‌ക്കുന്നു.