ഇംഗ്ലീഷ് പ്രീമിയർ ലീഗില്‍ ലണ്ടൻ ഡാർബിയില്‍ എതിരാളികളുടെ മൈതാനത്ത് വെസ്റ്റ് ഹാം യുണൈറ്റഡിനെ മറുപടി ഇല്ലാത്ത മൂന്നു ഗോളിന് തോല്‍പ്പിച്ച് ചെല്‍സി. പ്രീമിയർ ലീഗില്‍ ആദ്യ 3 മത്സരങ്ങളിലും ഇത് ആദ്യമായാണ് വെസ്റ്റ് ഹാം പരാജയപ്പെടുന്നത്. വെസ്റ്റ് ഹാമിൻ്റെ മോശം പ്രതിരോധം കണ്ട മത്സരത്തില്‍ നാലാം മിനിറ്റില്‍ സാഞ്ചോയുടെ പാസില്‍ നിന്നു നിക്കോളാസ് ജാക്സണ്‍ ആണ് ചെല്‍സിയുടെ ആദ്യ ഗോള്‍ നേടിയത്.
തുടർന്ന് 18ാ-മത്തെ മിനിറ്റില്‍ മികച്ച ടീം നീക്കത്തിന് ഒടുവില്‍ കയ്സെഡോയുടെ പാസില്‍ നിന്നു മികച്ച രണ്ടാം ഗോള്‍ നേടിയ ജാക്സണ്‍, ചെല്‍സിയുടെ മുൻതൂക്കം ഇരട്ടിയാക്കി. പിന്നീട് വെസ്റ്റ് ഹാമിനു അർഹിച്ച പെനാല്‍ട്ടി റഫറി നിഷേധിച്ചപ്പോള്‍ കുഡുസ് നേടിയ ഗോള്‍ ഓഫ് സൈഡും ആയി.
രണ്ടാം പകുതി തുടങ്ങിയ ഉടൻ ജാക്സൻ്റെ പാസില്‍ നിന്നു ഗോള്‍ നേടിയ കോള്‍ പാമർ ആണ് ചെല്‍സിയുടെ ജയം പൂർത്തിയാക്കിയത്. കളി അവസാനിപ്പിക്കുമ്പോള്‍ 3-0 എന്ന നിലയിലേക്ക് ചെല്‍സി വെസ്റ്റ് ഹാമിനെ തകർത്തു. ജയത്തോടെ ചെല്‍സി ലീഗില്‍ രണ്ടാം സ്ഥാനത്ത് എത്തി.
