മലയാള സിനിമയുടെ സൂപ്പര്‍ താരങ്ങള്‍ മമ്മൂട്ടിയും മോഹന്‍ലാലും പതിനൊന്നു വര്‍ഷത്തിനു ശേഷമെത്തുന്ന പുതിയ ചിത്രം ഒരുങ്ങുന്നു. മഹേഷ് നാരായണന്റെ സംവിധാനത്തില്‍ നിർമാണം പൂർത്തിയാക്കാൻ മമ്മൂട്ടി കമ്പനിയും ആശീര്‍വാദ് സിനിമാസും ഒരുമിച്ച് പ്രവര്‍ത്തിക്കും. ചിത്രത്തിന്റെ വിശദാംശങ്ങള്‍ പുറത്തുവന്നിട്ടില്ല.
സിനിമയുടെ ചിത്രീകരണം സെപ്റ്റംബര്‍ 15ന് ശ്രീലങ്കയില്‍ ആരംഭിച്ചു. ചിത്രത്തിന്റെ അണിയറ പ്രവര്‍ത്തകര്‍ ശ്രീലങ്കന്‍ പ്രധാനമന്ത്രി ദിനേശ് ഗുണവര്‍ധനയെ കണ്ടു. പ്രധാനമന്ത്രിയുടെ വസതിയിലാണ് കൂടിക്കാഴ്ച നടത്തിയത്.
മലയാളം സിനിമ പ്രൊഡ്യൂസേഴ്സ് അസോസിയേഷന്‍ പ്രസിഡന്റ് ആന്റോ ജോസഫും, സംവിധായകന്‍ മഹേഷ് നാരായണനും, നിര്‍മ്മാതാവ് സിവി സാരഥിയും പ്രധാനമന്ത്രിയുമായി കൂടിക്കാഴ്ച നടത്തുകയുണ്ടായി. എംപി യാദമിനി ഗുണവര്‍ധന, അഡൈ്വസര്‍ സുഗീശ്വര സേനാധിര എന്നിവരും ചര്‍ച്ചയില്‍ പങ്കെടുത്തു.
സിനിമയുടെ ചിത്രീകരണം 30 ദിവസം ശ്രീലങ്കയില്‍ നടക്കും. അതേസമയം, കേരളം, ഡല്‍ഹിയും ലണ്ടനുമാണ് ചിത്രീകരണത്തിന് ശേഷം പോകേണ്ടിടങ്ങള്‍. ഈ വമ്പന്‍ പ്രോജക്ടിലൂടെ ശ്രീലങ്കന്‍ ഗവണ്‍മെന്റ് രാജ്യത്തേക്ക് കൂടുതല്‍ സിനിമാ പ്രവര്‍ത്തകരെ ആകര്‍ഷിക്കാന്‍ ശ്രമിക്കുകയാണ്.
