അധ്യാപികയ്ക്ക് ക്ലാസ് മുറിയിൽ വെച്ച് പാമ്പുകടിയേറ്റു

കാസർകോട്: അധ്യാപികയ്ക്ക് ക്ലാസ് മുറിയിൽവെച്ച് പാമ്പുകടിയേറ്റു. നിലേശ്വരം രാജാസ് ഹയർ സെക്കണ്ടറി സ്കൂളിലെ അധ്യാപിക വിദ്യക്കാണ് ക്ലാസ് മുറിയിൽ വെച്ച് പാമ്പുകടിയേറ്റത്. വിദ്യയെ ഉടനെ കാഞ്ഞങ്ങാട് താലൂക്ക് ആശുപത്രിയിലെത്തിച്ചു. ശാരീരിക അസ്വസ്ഥതകൾ പ്രകടിപ്പിച്ച വിദ്യ നിരീക്ഷണത്തിലാണ്.

ഇന്ന് ഉച്ചയോടെയായിരുന്നു സംഭവം. ഓണാഘോഷ പരിപാടികളോടനുബന്ധിച്ച് കലാമത്സരങ്ങൾ നടക്കുന്നതിനിടയിലാണ് ക്ലാസ് മുറിയിൽ വെച്ച് അധ്യാപികയെ പാമ്പുകടിച്ചത്. പാമ്പിനെ ആളുകൾ തല്ലികൊന്നു.