വനിതകള്‍ ഇനി ഡ്രോണുകള്‍ പറത്തുമെന്ന് കേന്ദ്രം
കേന്ദ്ര ഗവണ്‍മെന്റിന്റെ പുതിയ പദ്ധതി പ്രകാരം വനിതാ സ്വയം സഹായ ഗ്രൂപ്പുകള്‍ക്ക് (എസ്എച്ച്ജി) ഡ്രോണുകള്‍ നല്‍കും, ഇതിന്റെ കീഴില്‍ വനിതാ ഗ്രൂപ്പുകള്‍ക്ക് 8 ലക്ഷം രൂപയുടെ സബ്സിഡി ലഭിക്കും. ഡ്രോണ്‍ ദീദി പദ്ധതി പ്രകാരമാണ് ഇത് നടപ്പിലാക്കുന്നത്്. പദ്ധതി പ്രകാരം രാജ്യത്തുടനീളമുള്ള 14,500 സ്വയം സഹായ സംഘങ്ങള്‍ക്ക് ഡ്രോണുകള്‍ നല്‍കും. ഈ സ്‌കീമിന് കീഴിലുള്ള ആനുകൂല്യങ്ങള്‍ ലഭിക്കുന്നതിന്, എസ്എച്ച്ജികള്‍ അവരുടെ ആവശ്യമായ എല്ലാ രേഖകളും പൂരിപ്പിക്കേണ്ടതുണ്ട്. പദ്ധതിയുടെ കരട് തയ്യാറായതായിട്ടുണ്ടെന്ന് കൃഷി മന്ത്രാലയം അറിയിച്ചു.
ഈ വര്‍ഷമവസാനം മൂന്ന് മാസത്തിനുള്ളില്‍ തന്നെ 3,000 ഡ്രോണുകള്‍ വിതരണം ചെയ്യും. ഈ മാസം അവസാനത്തോടെ ഇതുമായി ബന്ധപ്പെട്ട നിര്‍ദേശങ്ങള്‍ എല്ലാ സംസ്ഥാനങ്ങളുമായി പങ്കുവയ്ക്കുകയും തുടര്‍ന്ന് നടപടികള്‍ ആരംഭിക്കുകയും ചെയ്യും. ആദ്യം ഉത്തര്‍പ്രദേശിലെ എസ്എച്ച്ജികള്‍ക്കാണ് ഡ്രോണുകള്‍ നല്‍കുന്നത്. തൊട്ടുപിന്നാലെ മഹാരാഷ്ട്രയ്ക്കും കര്‍ണാടകയ്ക്കും നല്‍കുമെന്നും മന്ത്രാലയം അറിയിച്ചു. ഉയര്‍ന്ന കൃഷിയോഗ്യമായ ഭൂമി, സജീവമായ സ്വയം സഹായ സംഘങ്ങള്‍, നാനോ വളങ്ങളുടെ ഉയര്‍ന്ന ഉപയോഗം എന്നിവയുടെ അടിസ്ഥാനത്തിലാണ് ഈ സ്‌കീമിന് കീഴിലുള്ള സംസ്ഥാനങ്ങളെ തിരഞ്ഞെടുക്കാന്‍ നിശ്ചയിച്ചിരിക്കുന്നത്.
നാല് അധിക ബാറ്ററികള്‍, ചാര്‍ജിംഗ് ഹബ്, ചാര്‍ജ് ചെയ്യാനുള്ള ജെന്‍സെറ്റ്, ഒരു ഡ്രോണ്‍ ബോക്‌സ് എന്നിവ ഡ്രോണിലുണ്ടാകും. ഡ്രോണ്‍ പറത്തുന്ന സ്ത്രീക്ക് ഡാറ്റാ അനാലിസിസ് പരിശീലനവും മറ്റൊരു സ്ത്രീക്ക് ഡ്രോണ്‍ മെയിന്റനന്‍സിനുള്ള പരിശീ ലനവും നല്‍കും. 15 ദിവസത്തെ പരിശീലനം പാക്കേജില്‍ ഉള്‍പ്പെടുത്തും. ഡ്രോണുകള്‍ ഉപയോഗിച്ച് നടത്തുന്ന വിവിധ കാര്‍ഷിക ജോലികളില്‍ സ്ത്രീകള്‍ക്ക് പരിശീലനം നല്‍കും.
ഈ പദ്ധതി പ്രകാരം നല്‍കുന്ന ഡ്രോണുകള്‍ നാനോ വളങ്ങളും കീടനാശിനികളും തളിക്കുന്നതിന് ഉപയോഗിക്കും. സംസ്ഥാന കമ്മിറ്റിയാണ് സ്വയം സഹായ സംഘങ്ങളെ തിരഞ്ഞെടുക്കുന്നത്. ഈ സമിതിയില്‍ ഇന്ത്യന്‍ അഗ്രികള്‍ച്ചറല്‍ റിസര്‍ച്ച് ഇന്‍സ്റ്റിറ്റ്യൂ ട്ടിലെ ശാസ്ത്രജ്ഞര്‍ ഉള്‍പ്പെടും. രാജ്യത്തുടനീളമുള്ള കൃഷി വിജ്ഞാന കേന്ദ്രങ്ങള്‍ (കെവികെ) മുഖേനയാണ് പദ്ധതി നടപ്പാക്കുക. ഈ ഡ്രോണുകള്‍ പറക്കുന്ന ക്ലസ്റ്ററുകളെ തിരിച്ചറിയുക എന്നതാണ് ഈ പദ്ധതിക്ക് കീഴിലുള്ള ആദ്യ ദൗത്യം. അടുത്ത മാസം മുതല്‍ ഈ പ്രവൃത്തി ആരംഭിക്കുമെന്ന് മന്ത്രാലയം അറിയിച്ചു.
