തിരുവനന്തപുരം: നെയ്യാറ്റിൻകര നിയോജക മണ്ഡലത്തിലെ ബൂത്ത് 107 ൽ രണ്ടിടങ്ങളിലായി ചുനാവ് പാഠശാല സംഘടിപ്പിച്ചു. ഇന്ത്യൻ തെരഞ്ഞെടുപ്പ് കമ്മീഷൻ, തിരുവനന്തപുരം ജില്ലാ ഇലക്ഷൻ വിഭാഗം, നെയ്യാറ്റിൻകര താലൂക്ക് ഇലക്ഷൻ വിഭാഗം, സ്വീപ്പ്, വോട്ടു വണ്ടി , ഇലക്ടറൽ ലിറ്ററസി ക്ലബ് ഇവയുടെ സഹകരണത്തോടെയാണ് പാഠശാല സംഘടിപ്പിച്ചത്. (Chunav Pathshala Activity)
പട്ടികജാതി വികസന വകുപ്പിൻ കീഴിലുള്ള മര്യാപുരം ഗവ.ഐ ടി ഐ , ബൂത്ത് സ്ഥിതി ചെയ്യുന്ന സെൻ്റ് മേരീസ് എൽ പി എസ് എന്നിവിടങ്ങളിലായാണ് ചുനാവ് പാഠശാലകൾ സംഘടിപ്പിച്ചത്.
![](https://malayalammedia.live/wp-content/uploads/2024/03/image-21.png)
ഇതിൻ്റെ ഭാഗമായി വോട്ടവകാശം കൃത്യമായി വിനിയോഗിക്കേണ്ടതിൻ്റെ പ്രാധാന്യം, വോട്ടർ പട്ടികയിൽ പേരു ചേർക്കൽ, പുതിയ വോട്ടർമാർക്ക് ഇലക്ട്രോണിക് വോട്ടിംഗ് മെഷീൻ, വിവി പാറ്റ് മെഷീൻ പരിചയപ്പെടുത്തൽ, വോട്ടുവണ്ടിയുടെ സഹായത്തോടെ മോക്ക് പോളിംഗ്, വിവിധ ബോധവൽക്കരണ ക്ലാസുകൾ തുടങ്ങി വ്യത്യസ്തങ്ങളായ പരിപാടികൾ നടന്നു .
ബി.എൽ.ഒ സജിത് സി.സി യുടെ നേതൃത്വത്തിൽ സംഘടിപ്പിച്ച ‘ചുനാവ് പാഠശാല’യിൽ താലൂക്ക് ഇലക്ഷൻ വിഭാഗത്തിലെ ഷാജികുമാർ, ഐ.ടി.ഐ പ്രിൻസിപ്പാൾ ടി.കെ മാർട്ടിൻ, ഹെഡ്മിസ്ട്രസ് സരോജം, പ്രശാന്ത് വി.വി, ത്രേസ്യാ സെൽവിസ്റ്റർ തുടങ്ങിയവർ സംബന്ധിച്ചു.