ക്ഷാമ ആശ്വാസം 18 % കുടിശിക: പെൻഷൻകാരുടെ ഒരു വർഷത്തെ നഷ്ടം 24,840 രൂപ മുതൽ 1,80,144 രൂപ വരെ

ക്ഷാമ ആശ്വാസം 18 ശതമാനം കുടിശിക ആയതോടെ സർവീസ് പെൻഷൻകാർക്ക് ക്ഷാമബത്ത കുടിശിക ഇനത്തിലെ ഒരു വർഷത്തെ നഷ്ടം 24,840 രൂപ മുതൽ 1,80,144 വരെ. 6 ഗഡുക്കളാണ് ക്ഷാമ ആശ്വാസ കുടിശിക .

• കേരളത്തിലെ ക്ഷാമ ആശ്വാസ കുടിശിക ഇങ്ങനെ:
• 01.07.22 3 %
• 01.01.23 4 %
• 01.07.23 3 %
• 01.01.24 3 %
• 01.07.24 3 %
• 01.01.25 2%
• ആകെ : 18 %

ബാലഗോപാൽ ധനമന്ത്രിയായതിന് ശേഷം 3 ഗഡു ക്ഷാമ ആശ്വാസം ആണ് അനുവദിച്ചത്. 2021 ജനുവരി, ജൂലൈ, 2022 ജനുവരി തുടങ്ങിയ സമയത്തെ ക്ഷാമ ആശ്വാസമാണ് അനുവദിച്ചത്. പ്രഖ്യാപിച്ച ക്ഷാമ ആശ്വാസത്തിന് അർഹതപ്പെട്ട 118 മാസത്തെ കുടിശിക ബാലഗോപാൽ നിക്ഷേധിച്ചു.

ഈ ഇനത്തിൽ മാത്രം 36,110 രൂപ മുതൽ 2,61,876 രൂപ വരെ പെൻഷൻകാർക്ക് നഷ്ടപ്പെട്ടു. ഏറ്റവും കുറഞ്ഞ അടിസ്ഥാന പെൻഷൻ 11,500 രൂപയാണ്. പരമാവധി അടിസ്ഥാന പെൻഷൻ 83,400 രൂപയും.അടിസ്ഥാന പെൻഷന്റെ അടിസ്ഥാനത്തിൽ 18 ശതമാനം ക്ഷാമ ആശ്വാസം അനുവദിക്കാത്തതിലൂടെ പെൻഷൻകാർക്ക് ഒരു വർഷം നഷ്ടപ്പെടുന്ന തുക അറിയാം.