ബെയ്റൂട്ടില് വീണ്ടും ഇസ്രായേല്‍ ആക്രമണം. കമാന്‍ഡറടക്കം ഒന്‍പതുപേര്‍ കൊല്ലപ്പെട്ടു
ഇസ്രായേല്‍; ബെയ്റൂട്ടില് ഇന്ന് ഇസ്രായേല്‍ നടത്തിയ ആക്രമണത്തില്‍ ഇറാന്‍ പിന്തുണയുള്ള ഹിസ്ബുല്ല തീവ്രവാദി ഗ്രൂപ്പിന്റെ ഒരു ഉന്നത കമാന്‍ഡര്‍ ഉള്‍പ്പെടെ ഒന്‍പത് പേര്‍ കൊല്ലപ്പെടുകയും 50 പേര്‍ക്ക് പരിക്കേല്‍ക്കുകയും ചെയ്തു. ജൂലൈയില്‍ ഹിസ്ബുള്ളയുടെ തെക്കന്‍ ബെയ്റൂട്ടില് ഇസ്രായേല്‍ ആക്രമണത്തില്‍ കൊല്ലപ്പെട്ട ഫുവാദ് ഷുക്കറിന് ശേഷം അതിന്റെ സായുധ സേനയുടെ രണ്ടാമത്തെ കമാന്‍ഡറായ റദ്വാന്‍ ഫോഴ്സ് കമാന്‍ഡര്‍ ഇബ്രാഹിം അഖിലാണ് ഇന്നത്തെ ഇസ്രായേല്‍ വ്യോമാക്രമണത്തില്‍ കൊല്ലപ്പെട്ടത്.
ഇന്ന് ഉച്ചതിരിഞ്ഞ് നടന്ന വ്യോമാക്രമണത്തില്‍ മുതിര്‍ന്ന ഹിസ്ബുള്ള കമാന്‍ഡര്‍ ഇബ്രാഹിം അഖില്‍ കൊല്ലപ്പെട്ടതായി ഐഡിഎഫ് സ്ഥിരീകരിച്ചു. ഹിസ്ബുള്ളയുടെ സൈനിക ഓപ്പറേഷനുകളുടെ തലവനും ഭീകരസംഘടനയുടെ എലൈറ്റ് റദ്വാന്‍ ഫോഴ്സിന്റെ ആക്ടിംഗ് കമാന്‍ഡറും ഗലീലി ആക്രമിക്കാനുള്ള പദ്ധതിയുടെ തലവനുമായിരുന്നു അഖില്‍ എന്ന് ഐഡിഎഫ് പ്രസ്താവനയില്‍ പറയുന്നു. 2004 മുതല്‍, തീവ്രവാദ ഗ്രൂപ്പിന്റെ ബോംബിംഗ്, ടാങ്ക് വിരുദ്ധ ആക്രമണങ്ങള്‍, വ്യോമ പ്രതിരോധം എന്നിവയ്ക്ക് ഉത്തരവാദിയായ അഖില്‍ ഹിസ്ബുള്ളയുടെ ഓപ്പറേഷന്‍ അറേയുടെ തലവനായി സേവനമനുഷ്ഠിക്കുകയായിരുന്നു.
