ന്യൂഡല്‍ഹി: ആഗോള സമുദ്ര ഉടമ്പടിയില്‍ ഇന്ത്യ ഒപ്പുവച്ചു. ഉയര്‍ന്ന സമുദ്രങ്ങളിലെ സമുദ്രവിഭവങ്ങളുടെ സംരക്ഷണത്തിനും സുസ്ഥിരമായ ഉപയോഗത്തിനും പിന്തുണ നല്‍കുന്നതിനായിട്ടാണ് ഈ കരാര്‍. ദേശീയ അധികാരപരിധിക്കപ്പുറമുള്ള ജൈവ വൈവിധ്യത്തെക്കുറിച്ചുള്ള കരാറിലാണ് (ബിബിഎന്‍ജെ) ഇന്ത്യ ഔദ്യോഗികമായി ഒപ്പുവച്ചു. ഒരു രാജ്യത്തിന്റെ പ്രത്യേക സാമ്പത്തിക മേഖലയ്ക്ക് അപ്പുറത്ത് ആരംഭിക്കുന്ന സമുദ്രമേഖല, അതായത് തീരപ്രദേശങ്ങളില്‍ നിന്ന് 200 നോട്ടിക്കല്‍ മൈലുകള്‍ (അല്ലെങ്കില്‍ 370 കിലോമീറ്റര്‍) കടന്ന് സമുദ്രജീവികളുടെ വീണ്ടെടുക്കല്‍, കാലാവസ്ഥാ വ്യതിയാനത്തോടുള്ള അതിന്റെ പ്രതിരോധം വര്‍ദ്ധിപ്പിക്കുക എന്നതെല്ലാം ഈ കരാറില്‍ പെടും.
ഇന്ത്യന്‍ വിദേശകാര്യ മന്ത്രി ഡോ. എസ്. ജയശങ്കര്‍ ആണ് ഇക്കാര്യം സോഷ്യല്‍ മീഡിയ പ്ലാറ്റ്ഫോമായ എക്സില്‍ പോസ്റ്റ് ചെയ്തത്. ബിബിഎന്‍ജെ കരാറില്‍ ചേരുന്നതില്‍ ഇന്ത്യ അഭിമാനിക്കുന്നു, നമ്മുടെ സമുദ്രങ്ങള്‍ ആരോഗ്യകരവും പ്രതിരോധശേഷിയുള്ളതുമായി നിലനില്‍ക്കുന്നുവെന്ന് ഉറപ്പാക്കുന്നതിനുള്ള സുപ്രധാന ചുവടുവയ്പ്പാണിതെന്നും അദ്ദേഹം വ്യക്തമാക്കി.
ഇന്ത്യയുള്‍പ്പെടെ 101 രാജ്യങ്ങള്‍ ഇതുവരെ ഉടമ്പടിക്ക് സമ്മതം അറിയിക്കുന്നതിനായി ഉടമ്പടിയില്‍ ഒപ്പുവച്ചു, ഇത് ആഭ്യന്തരമായി പരിശോധിച്ച് അംഗീകരിക്കുന്ന കാര്യം പരിഗണിക്കാന്‍ ഉദ്ദേശിക്കുന്നു. കുറഞ്ഞത് 60 ഗവണ്‍മെന്റുകളെങ്കിലും ഇത് ദേശീയ നിയമത്തില്‍ എഴുതിക്കഴിഞ്ഞാല്‍ അത് ഔദ്യോഗികമായി പ്രാബല്യത്തില്‍ വരും.
