അനില് അംബാനിയുടെ മുങ്ങാന് പോകുന്ന കമ്പനിക്ക് കോടികള് നല്കി കേരള സര്ക്കാര്. സംസ്ഥാന സര്ക്കാര് സ്ഥാപനമായ കെ എഫ് സിയാണ് അനില് അംബാനിയുടെ കമ്പനിയില് കോടികള് നിക്ഷേപിച്ചത്.
സംസ്ഥാനത്തെ ഇടത്തര ചെറുകിട സംരംഭങ്ങള്ക്ക് ലഭിക്കേണ്ട ഫണ്ട് വന്കിട കോര്പ്പറേറ്റ് സ്ഥാപനത്തിനു നല്കിയത് ഗുരുതരമായ കുറ്റവും അഴിമതിയുമാണെന്ന് പ്രതിക്ഷ നേതാവ് വി.ഡി. സതീശൻ. ഇതുസംബന്ധിച്ച രേഖകള് അദ്ദേഹം പുറത്തുവിട്ടു. ലിക്വിഡേറ്റ് ആകാന് പോകുന്ന സ്ഥാപനത്തില് സര്ക്കാര് സ്ഥാപനം നിക്ഷേപിച്ചത് കമ്മീഷന് വാങ്ങിയാണ് എന്ന് വേണം സംശയിക്കാനെന്നും വി.ഡി. സതീശൻ പറഞ്ഞു.
സംസ്ഥാനത്തെ എം എസ് എം ഇ അടക്കമുള്ള വ്യവസായങ്ങള്ക്ക് വായ്പകള് നല്കാന് രൂപീകരിച്ച സ്ഥാപനം 26.04.2018 ന് അനില് അമ്പാനിയുടെ RCFL (Reliance commercial Finance Ltd) എന്ന സ്ഥാപനത്തില് 60.80 കോടി രൂപ നിക്ഷേപിച്ചു. കേന്ദ്രത്തില് മോദി സര്ക്കാര് കോര്പറേറ്റ് മുതലാളിമാരോട് കാട്ടുന്ന അതേ സമീപനമാണ് കേരളത്തില് പിണറായി വിജയന് സര്ക്കാരിന്റേതും. മോദി കോര്പറേറ്റുകളുടെ കടങ്ങള് എഴുതി തള്ളുമ്പോള് കേരള സര്ക്കാര് അനില് അംബാനിയുടെ മുങ്ങാന് പോകുന്ന കമ്പനിക്ക് കോടികള് നല്കി. ഈ ഇടപാടിന് പിന്നില് വന് അഴിമതി നടന്നിട്ടുണ്ട്.
2020 മാര്ച്ച് മുതല് പലിശ പോലും RCP Ltd നിന്നും ലഭിച്ചിട്ടില്ല. RCFL ലിക്വിഡേറ്റ് ചെയ്തപ്പോള് 7.09 കോടി രൂപ ലഭിച്ചിട്ടുള്ളതായി 2020-21 ലെ ആന്വല് റിപ്പോര്ട്ടില് രേഖപ്പെടുത്തിയിട്ടുണ്ട്. ഈ നിക്ഷേപത്തില് പലിശയുള്പ്പെടെ 101 കോടി രൂപ നഷ്ടപ്പെട്ടു എന്നാണ് കണക്ക്. എന്നാല് സര്ക്കാര് ഇക്കാര്യത്തില് നാളിതുവരെ യാതൊരു നടപടിയും സ്വീകരിച്ചില്ല. KFC യിലെ ഇടത് സംഘടനാ നേതാക്കളും മാനേജ്മെന്റും സര്ക്കാരിന്റെ ഒത്താശയോടെ നടത്തിയ വന് കൊള്ളയാണ് ഇതെന്നും പ്രതിപക്ഷ നേതാവ് വാർത്താ സമ്മേളനത്തില് പറഞ്ഞു.
Tom Jose the Chief Secretary and KM Abraham the man at the helm of affairs in Finance and KIFFB during that time being very close to Karanabhoothan would have got the consent from him for this lethal move before investing massive fund in such ventures with ambiguity on safe return of investments.