ഗ്രേഡ് III തസ്തികകളിലേക്കുള്ള റിക്രൂട്ട്‌മെൻ്റിനായുള്ള എഴുത്തുപരീക്ഷക്കുവേണ്ടി അസം സർക്കാർ ശനിയാഴ്ച സംസ്ഥാനത്തുടനീളമുള്ള മൊബൈൽ ഇൻ്റർനെറ്റ് സേവനങ്ങൾ സെപ്റ്റംബർ 15 ന് രാവിലെ 10 മണി മുതൽ മൂന്നര മണിക്കൂർ നേരത്തേക്ക് നിർത്തിവെച്ചു. വോയ്‌സ് കോളുകളും ബ്രോഡ്‌ബാൻഡ് കണക്റ്റിവിറ്റിയും മാത്രമാണ് പ്രവർത്തിച്ചത്.
പൊതുപരീക്ഷ സ്വതന്ത്രവും നീതിയുക്തവും സുതാര്യവുമായി നടത്തുന്നതിനും പൊതുജനങ്ങളെ ബാധിക്കുന്ന ക്രമസമാധാന പ്രശ്‌നങ്ങൾ ഉണ്ടാകുന്നത് തടയുന്നതിനുമാണ് ഇത് പുറപ്പെടുവിച്ചതെന്ന് ആഭ്യന്തര സുരക്ഷ, രാഷ്ട്രീയ വകുപ്പ് അഡീഷണൽ ചീഫ് സെക്രട്ടറി അജയ് തിവാരി ഒപ്പിട്ട വിജ്ഞാപനം പറഞ്ഞു.
സർക്കാർ മേഖലയിലെ ഗ്രേഡ് III തസ്തികകളിലേക്കുള്ള പരീക്ഷ രാവിലെ ഞായറാഴ്ച്ച 10.30 മുതൽ 1.30 വരെയാണ്. സ്റ്റേറ്റ് ലെവൽ റിക്രൂട്ട്‌മെൻ്റ് കമ്മീഷൻ്റെ (SLRC) കീഴിലുള്ള ഗ്രേഡ് III, IV തസ്തികകളിലേക്കുള്ള എഴുത്തുപരീക്ഷകൾ ആദ്യമായി നടത്തിയപ്പോൾ 2022 ഓഗസ്റ്റിൽ രണ്ട് ദിവസങ്ങളിൽ മിക്കവാറും എല്ലാ ജില്ലകളിലും മൊബൈൽ ഇൻ്റർനെറ്റ് സേവനങ്ങൾ നാല് മണിക്കൂർ നിർത്തിവച്ചിരുന്നു.
2,305 കേന്ദ്രങ്ങളിലായി 11,23,204 ഉദ്യോഗാർത്ഥികളാണ് പരീക്ഷ എഴുതുന്നത്. ഇതില്‍ 429 പേരെ അവരുടെ ഭൂമിശാസ്ത്രപരമായ സ്ഥാനവും തട്ടിപ്പിൻ്റെയും മറ്റ് ദുരാചാരങ്ങളുടെയും ചരിത്രം കാരണം ‘സെൻസിറ്റീവ്’ ആയി കരുതിയാണ് പരീക്ഷ. നേരത്തെ ഇത്തരം അവസരങ്ങളിൽ ചിലർ വ്യത്യസ്ത മൊബൈൽ ആപ്ലിക്കേഷനുകൾ ഉപയോഗിച്ച് അന്യായമായ മാർഗങ്ങൾ സ്വീകരിക്കുന്നത് കണ്ടിട്ടുണ്ടെന്ന് അറിയിപ്പിൽ പറയുന്നു.
“സാമൂഹ്യ വിരുദ്ധരോ സംഘടിത ഗ്രൂപ്പുകളോ സോഷ്യൽ മീഡിയ വഴി കിംവദന്തികൾ പരത്തി സാഹചര്യം മുതലെടുക്കാൻ ശ്രമിക്കുമെന്നും പരീക്ഷാ പ്രക്രിയയെ അസ്ഥിരപ്പെടുത്താൻ ശ്രമിക്കുമെന്നും” കാര്യമായ ആശങ്കയുണ്ടെന്നും അതിൽ പരാമർശിച്ചു.
സ്വതന്ത്രവും നീതിയുക്തവുമായ പരീക്ഷകൾ ഉറപ്പാക്കുന്നതിന്, മൊബൈൽ ഇൻ്റർനെറ്റ് സേവനം താൽക്കാലികമായി പ്രവർത്തനരഹിതമാക്കുന്നത് ഉൾപ്പെടെ സാധ്യമായ എല്ലാ പഴുതുകളും അടയ്ക്കുന്നതിന് എല്ലാ നടപടികളും സ്വീകരിക്കാൻ സർക്കാർ തീരുമാനിച്ചതായി അറിയിപ്പിൽ പറയുന്നു.
“ഭാവിയിൽ പരീക്ഷകൾക്കായി, പരീക്ഷാ കേന്ദ്രങ്ങൾ ഉൾക്കൊള്ളുന്ന മൊബൈൽ ടവറുകളുടെ ഇൻ്റർനെറ്റ് സേവനങ്ങൾ ലോക്ക് ചെയ്യുന്നതിനുള്ള ഒരു പ്രോട്ടോക്കോൾ രൂപീകരിക്കാൻ ഞാൻ ഉദ്യോഗസ്ഥരോട് ആവശ്യപ്പെട്ടിട്ടുണ്ട്. പക്ഷേ ഇതിന് കുറച്ച് കാലതാമസമുണ്ടാകും.
